ମୁମ୍ୱାଇ : ଶିଳ୍ପା ଶେଟ୍ଟୀଙ୍କ ଭଉଣୀ ଶମିତା ଶେଟ୍ଟୀ ରାକେଶ ବାପଟଙ୍କ ସହ ଆଜିକାଲି ଗଗନରେ ଉଡୁଛନ୍ତି । ଦୁହିଁଙ୍କ ପ୍ରେମ ସଂପର୍କକୁ ନେଇ ଦିନକୁ ଦିନ ଚର୍ଚ୍ଚା ବଢିବାରେ ଲାଗିଛି । ବିଗ୍ ବସ୍ ଘରୁ ବାହାରିବା ପରଠାରୁ ଦୁହେଁ ନିଜ ପ୍ରେମ ପାଇଁ କ୍ରମାଗତ ଭାବରେ ଲାଇମଲାଇଟରେ ରହି ଆସୁଛନ୍ତି । ତେବେ ଭାଲେଣ୍ଟାଇନ ଡେ ଭଳି ଦିନରେ ଦୁଇ ପ୍ରେମପକ୍ଷୀ କେମିତି ଅଲଗା ରହିବେ । ଭାଲେଣ୍ଟାଇନ୍ସ ଡେ’ ଭଳି ପ୍ରେମ ଭରା ଦିନକୁ କିପରିବା ହାତଛଡା କରିବେ ଏହି ନ୍ୟୁ କପଲ । ଏବେ ସୋସିଆଲ ମିଡିଆରେ ଏମାନଙ୍କର ଫଟୋ ଭାଇରାଲ ହୋଇଛି । ନିକଟରେ ଶମିତା ଶେଟ୍ଟୀ ତାଙ୍କ ପରିବାର ସହିତ ଗେଟୱେ ଅଫ୍ ଇଣ୍ଡିଆରେ ଦେଖିବାକୁ ମିଳିଥିଲେ । ଏହି ସମୟରେ ତାଙ୍କ ପ୍ରେମିକ ରାକେଶ ବାପଟ ମଧ୍ୟ ସେମାନଙ୍କ ସହ ନଜର ଆସିଥିଲେ । ଏହା ପରେ ସମସ୍ତେ ଏକାଠି ଆଲିବାଗକୁ ବୁଲିବାକୁ ଯାଇଥିଲେ । ଆଲିବାଗରୁ ସେମାନଙ୍କର ଅନେକ ଫଟୋ ସେୟାର କରିଛନ୍ତି । ଯେଉଁଥିରେ ଶମିତା ଏକ ଧଳା ପୋଷାକରେ ନଜର ଆସିଛନ୍ତି । ଅନ୍ୟପଟେ, ରାକେଶ ଏକ ଡେନିମ୍ ଜ୍ୟାକେଟ୍ ସହିତ ହ୍ୟାଣ୍ଡସମ ଅନ୍ଦାଜରେ ନଜର ଆସିଛନ୍ତି । ଏହି ନ୍ୟୁ କପଲଙ୍କୁ ଏକାଠି ଦେଖିଲେ ଏହା କୁହାଯାଇପାରେ ଯେ ଉଭୟ ପରସ୍ପରର ପ୍ରେମରେ ଗଭୀର ଭାବରେ ବୁଡି ରହିଛନ୍ତି । ଏହା ବ୍ୟତୀତ ରାକେଶ ମଧ୍ୟ ଏକ ରୋମାଣ୍ଟିକ ଭିଡିଓ ସେୟାର କରିଛନ୍ତି । ଏହି ଭିଡିଓରେ ଉଭୟ ସମିତା ଓ ରାକେଶ ଡଙ୍ଗାରେ ବସିଥିବାର ନଜର ଆସିଛନ୍ତି । ସୋସିଆଲ ମିଡିଆରେ ସେମାନଙ୍କର ଲୁକ ଓ ପ୍ରେମର ଅନ୍ଦାଜ୍ ବେଶ୍ ଭାଇରାଲ ହେବାରେ ଲାଗିଛି ।
