ପ୍ରୟାଗରାଜ : ମହାକୁମ୍ଭ ଭିଡ଼ ଯୋଗୁ ବନ୍ଦ ହେଲା ସମସ୍ତ ସ୍କୁଲ । ପ୍ରୟାଗରାଜ ମହାକୁମ୍ଭରୁ ଫେରୁଥିବା ଲକ୍ଷାଧିକ ଶ୍ରଦ୍ଧାଳୁଙ୍କ ଭିଡ଼ ହେତୁ ବାରାଣସୀରେ ସମସ୍ତ ସ୍କୁଲ ବନ୍ଦ କରି ଦେଇଛି ଜିଲ୍ଲା ପ୍ରଶାସନ । ଏ ସମ୍ବନ୍ଧରେ ଗତକାଲି ଏକ ଅଫିସିଆଲ୍ ଆଦେଶ ଜାରି କରାଯାଇଛି । ଜିଲ୍ଲା ଅଧିକାରୀ ସମସ୍ତ ସ୍କୁଲକୁ ବନ୍ଦ ରଖିବାକୁ ଏବଂ ପ୍ରଥମରୁ ଦ୍ୱାଦଶ ଶ୍ରେଣୀ ପର୍ୟ୍ୟନ୍ତ ଅନଲାଇନ୍ କ୍ଲାସେସ୍ ଜାରି ରଖିବାକୁ ନିର୍ଦ୍ଦେଶ ଦେଇଛନ୍ତି ।ନିର୍ଦ୍ଦେଶ ଅନୁସାରେ, ସ୍କୁଲଗୁଡ଼ିକରେ ପ୍ରଥମରୁ ଦ୍ୱାଦଶ ଶ୍ରେଣୀ ପର୍ୟ୍ୟନ୍ତ ଫେବୃୟାରୀ ୫ ଯାଏ ଅଫଲାଇନ୍ କ୍ଲାସେସ୍ ସ୍ଥଗିତ ରହିବ । ପାଠ୍ୟକ୍ରମ ସାରିବା ପାଇଁ ସମ୍ପୃକ୍ତ ସ୍କୁଲ ସମୟ ଅନୁସାରେ ଅନଲାଇନ୍ କ୍ଲାସେସ୍ ସଞ୍ଚାଳନ କରିବ । ଏହି ଆଦେଶ ଅଞ୍ଚଳର ସମସ୍ତ ସିବିଏସଇ, ଆଇସିଏସଇ ଏବଂ ରାଜ୍ୟ ବୋର୍ଡର ସ୍କୁଲଗୁଡ଼ିକ ଉପରେ ଲାଗୁ କରାଯାଇଛି ।
