ନୂଆଦିଲ୍ଲୀ : ଭାରତ-ପାକ ମଧ୍ୟରେ ୧୮ ତାରିଖ ଯାଏଁ ବଢିଲା ସିଜ ଫାୟାର ଅବଧି । ଖୁବଶୀଘ୍ର ଦୁଇ ଦେଶ ମଧ୍ୟରେ ପୁଣି ଥରେ ହେବ ଡିଜିଏମଓ ସ୍ତରୀୟ ବୈଠକ । ତୀବ୍ର ଉତ୍ତେଜନା ମଧ୍ୟରେ ୧୦ ତାରିଖରେ ହୋଇଥିଲା ସିଜ ଫାୟାର । ସିଜ ଫାୟାର ପରେ ୧୨ରେ ଡିଜିଏମଓ ସ୍ତରୀୟ ଆଲୋଚନା ହୋଇଥିଲା ।
ଉଭୟ ଦେଶ ସମସ୍ତ ସୀମାନ୍ତ ସାମରିକ କାର୍ୟ୍ୟାନୁଷ୍ଠାନ ଉପରେ ବିରତି ବୃଦ୍ଧି କରିବାକୁ ରାଜି ହୋଇଛନ୍ତି। “୨୦୨୫ ମେ ୧୦ ତାରିଖରେ ଦୁଇ ଡିଜିଏମ୍ଓ ମଧ୍ୟରେ ବୁଝାମଣା ସହିତ ଏହି ଅସ୍ତ୍ରବିରତି ଲାଗୁ ହୋଇଥିବା ବେଳେ ଏବେ ସୁରକ୍ଷା ଦୃଷ୍ଟିରୁ ଏହାର ଅବଧି ଆହୁରି କିଛି ଦିନ ବଢ଼ାଇ ଦିଆଯାଇଛି। ପିଟିଆଇର ରିପୋର୍ଟ ଅନୁଯାୟୀ, ପାକିସ୍ତାନର ବୈଦେଶିକ ମନ୍ତ୍ରୀ ଇଶାକ ଦାର ଦାବି କରିଛନ୍ତି ଯେ ପାକିସ୍ତାନର ଡିଜିଏମଓ ମେଜର ଜେନେରାଲ କାଶିଫ ଅବଦୁଲ୍ଲା ଏବଂ ଭାରତର ଡିଜିଏମଓ ଲେଫ୍ଟନାଣ୍ଟ ଜେନେରାଲ ରାଜୀବ ଘାଇ ଗୁରୁବାର ଯୁଦ୍ଧବିରତି ଉପରେ ଆଲୋଚନା କରିଥିଲେ। ଯାହାକୁ ବର୍ତ୍ତମାନ ମେ ୧୮ ପର୍ୟ୍ୟନ୍ତ ବୃଦ୍ଧି କରାଯାଇଛି।
