ନୂଆଦିଲ୍ଲୀ : ଦେଶର ଉପକୂଳ ଅଞ୍ଚଳକୁ ଏବେ ବାତ୍ୟା ବିପର୍ୟ୍ୟୟର ଭୟ ଘାରିଛି । ପାଣିପାଗ ବିଭାଗର ବୈଜ୍ଞାନିକଙ୍କ ମତରେ ବାତ୍ୟା ବିପର୍ୟ୍ୟୟ ଆଗାମୀ ୪୮ଘଣ୍ଟା ମଧ୍ୟରେ ଅର୍ଥାତ ୧୦ ତାରିଖ ଭିତରେ ଗମ୍ଭୀର ବାତ୍ୟାର ରୂପନେବ । ଏହାପରେ ଆଗାମୀ ୩ଦିନ ମଧ୍ୟରେ ଉତ୍ତର ଭାରତ ଦିଗରେ ଆଗକୁ ବଢିବ ।
ସ୍କାଇମେଟ୍ ୱେଦର ମୁତାବକ ଆଗାମୀ ୩ଦିନ ପର୍ୟ୍ୟନ୍ତ ଏହି ବାତ୍ୟା ବହୁତ ଗମ୍ଭୀର ହେବାର ସମ୍ଭାବନା ରହିଛି । ଭାରତୀୟ ପାଣିପାଗ ବିଭାଗର ଟ୍ୱିଟ୍ ମୁତାବକ ବାତ୍ୟା ବିପର୍ୟ୍ୟୟ ପୂର୍ବ-ମଧ୍ୟ ଆରବସାଗର ଉପରେ ଜୁନ ୮ ତାରିଖ ୦୮.୩୦ ମିନିଟ ସମୟରେ କେନ୍ଦ୍ରିଭୂତ ହୋଇଛି । ଜାତୀୟ ଗଣମାଧ୍ୟମର ରିପୋର୍ଟ ମୁତାବକ ଗୁଜରାଟ ସରକାର ଜୁନ ୧୪ ତାରିଖ ପର୍ୟ୍ୟନ୍ତ ମାଛ ଧାରାଳୀଙ୍କୁ ସୁମୁଦ୍ର ମଧ୍ୟକୁ ଯିବାକୁ ବାରଣ କରିଛି । ଲାକ୍ଷାଦୀପ, ଗୋଆ, କର୍ଣ୍ଣାଟକ, ମହାରାଷ୍ଟ୍ରର ଉପକୂଳ ଅଞ୍ଚଳରେ ବାତ୍ୟାର କିଛି ପ୍ରଭାବ ପଡିବ ବୋଲି କୁହାଯାଇଛି । ଏହାସହ ପାଣିପାଗ ବିଭାଗ ତରଫରୁ ଏହି ସବୁ ଅଞ୍ଚଳରେ ପବନ ହେବା ନେଇ ଚେତାବନୀ ଦେଇଛି ।
