ନୂଆଦିଲ୍ଲୀ : ଗାଜାରେ ଯୁଦ୍ଧବିରତି ଚୁକ୍ତିକୁ ଇସ୍ରାଏଲ କ୍ୟାବିନେଟର ମଞ୍ଜୁରୀ । ବନ୍ଦୀ ହୋଇ ରହିଥିବା ସମସ୍ତ ବ୍ୟକ୍ତିଙ୍କୁ ମୁକ୍ତ କରିବାକୁ ଅନୁମୋଦନ । ୭୨ ଘଣ୍ଟା ମଧ୍ୟରେ ପାଲେଷ୍ଟାଇନ ବନ୍ଦୀଙ୍କୁ ଛାଡିବାକୁ ମଞ୍ଜୁରୀ । ଇସ୍ରାଏଲ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ସୂଚନା ଜାରି । ଇସ୍ରାଏଲ୍ ଗଣମାଧ୍ୟମର ରିପୋର୍ଟ ଅନୁସାରେ ତୁରନ୍ତ ଯୁଦ୍ଧବିରତି କାର୍ୟ୍ୟକାରୀ ହେବ । କ୍ୟାବିନେଟ୍ ଅନୁମୋଦନର ୨୪ ଘଣ୍ଟା ମଧ୍ୟରେ ଏହା ଆରମ୍ଭ ହେବ ବୋଲି ପ୍ରଧାନମନ୍ତ୍ରୀଙ୍କ କାର୍ୟ୍ୟାଳୟର ମୁଖପାତ୍ର କହିଛନ୍ତି । ଗାଜାରୁ ଇସ୍ରାଏଲ୍ ସେନା ପ୍ରତ୍ୟାହୃତ ହେବ ।ଏହା ଗାଜାର ୫୩ ପ୍ରତିଶତ ଅଞ୍ଚଳକୁ ନିୟନ୍ତ୍ରଣ କରିବ । ଗତ ସପ୍ତାହରେ ହ୍ୱାଇଟ ହାଉସ ଦ୍ୱାରା ଜାରି ହୋଇଥିବା ମାନଚିତ୍ର ଅନୁସାରେ ଏହା କାର୍ୟ୍ୟକାରୀ ହେବ। ୭୨ ଘଣ୍ଟାର ଏକ କାଉଣ୍ଟଡାଉନ୍ ଆରମ୍ଭ ହେବ। ହମାସ ଜୀବିତ ଥିବା ୨୦ ଜଣ ଇସ୍ରାଏଲ ବନ୍ଧକଙ୍କୁ ମୁକ୍ତ କରିବ । ପରେ ମୃତ ୨୮ ଜଣ ବନ୍ଧକଙ୍କ ଶରୀର ଫେରାଇବ। ଏହା ପରେ ଇସ୍ରାଏଲ୍ କାରାଗାରରେ ଆଜୀବନ କାରାଦଣ୍ଡ ଭୋଗୁଥିବା ପ୍ରାୟ ୨୫୦ ପାଲେଷ୍ଟାଇନ ବନ୍ଦୀ ଓ ଗାଜାରୁ ୧ ହଜାର ୭୦୦ ଅଟକ ବନ୍ଦୀଙ୍କୁ ମୁକ୍ତ କରିବ ।
