ମାଲକାନଗିରି : ବାସବରାଜୁଙ୍କ ମୃତଦେହ ପରିବାରକୁ ଦେଲାନି ପୋଲିସ । ସିପିଆଇ ମାଓ ମୁଖିଆ ବାସବରାଜୁ ସହ ୮ ମାଓବାଦୀଙ୍କ ଅନ୍ତିମ ସଂସ୍କାର କଲା ଛତିଶଗଡ଼ ନାରାୟଣପୁର ପୁଲିସ । ଏନକାଉଣ୍ଟରକୁ ୭ ଦିନ ବିତିଯାଇଥିବାରୁ ଶବରେ ବ୍ୟାକ୍ଟେରିଆ ହୋଇଯାଇଥିଲା । ତେଣୁ ମୃତ ମାଓବାଦୀଙ୍କ ପରିବାର ଲୋକଙ୍କ ସମ୍ମତିରେ ଶବ ସଂସ୍କାର କରିଛି ପୋଲିସ । ଏନେଇ ସୂଚନା ଦେଇଛନ୍ତି ନାରାୟଣପୁର ଏଏସପି ଚନ୍ଦ୍ରକାର। ଅନ୍ୟପଟେ ପୋଲିସ ମିଛ କହୁଛନ୍ତି ବୋଲି ଅଭିଯୋଗ କରିଛନ୍ତି ।
ଛତିଶଗଡ଼ ପୁଲିସ ନାଁରେ ମାନବାଧିକାର ହନନ ଅଭିଯୋଗ ଆଣିଲେ ବାସବରାଜୁଙ୍କ ଭାଇ । ଛତିଶଗଡ଼ ପୁଲିସ ମୃତଦେହ ହସ୍ତାନ୍ତର କରିବାରେ ଟାଳଟୁଳ ନିତି ଅବଲମ୍ବନ କରିଥିବା ଅଭିଯୋଗ କରିଛନ୍ତି । ହାଇକୋର୍ଟ ଆଦେଶ କୁ ବି ମାନିନାହିଁ ନାରାୟଣପୁର ପୋଲିସ ବୋଲି ଅଭିଯୋଗ କରିଛନ୍ତି ମୃତ ମାଓବାଦୀଙ୍କ ପରିବାର ।
