ଭୁବନେଶ୍ୱର: ୨୦୧୮ ରୁ ମୁଷ୍ଟୱାଣ୍ଟେଡ୍ ଥିବା ୩ ଅପରାଧୀ ଗିରଫ । ବେଙ୍ଗାଲୁରୁର ଆଇବିଏମ୍ ସଫ୍ଟୱେର କମ୍ପାନୀରେ ଚାକିରି କରାଇଦେବା କହି ୨୦ ଲକ୍ଷରୁ ଉର୍ଦ୍ଧ୍ୱ ଟଙ୍କା ଠକିଥିଲେ । ବେଙ୍ଗାଲୁରୁରେ ଏପରି ଠକେଇ ପରେ ସେମାନେ ଓଡ଼ିଶା ପଳାଇ ଆସିଥିଲେ । ଏହି ୩ ଜଣ ଅପରାଧୀଙ୍କ ମଧ୍ୟରେ ଦୁଇ ଜଣ ଓଡ଼ିଆ ଥିବା ବେଳେ, ଜଣେ ପୁରଣ ଥାବା ଜଣା ପଡ଼ିଛି । ଏମାନେ ଭୁବନେଶ୍ୱରରେ ରହୁଥିବା ନେଇ ବେଙ୍ଗାଲୁରୁ ପୋଲିସ ସଂନ୍ଧାନ କରିଥିଲା । ତେଣୁ ବେଙ୍ଗାଲୁରୁ ପୋଲିସର ଏକ ସ୍ୱତନ୍ତ୍ର ଟିମ୍ ଓଡ଼ିଲା ଆସି ଭୁବନେଶ୍ୱର ଚନ୍ଦ୍ରଶେଖରପୁର ଥାନା ପୋଲିସ ସହାୟତାରେ ଏହି ଠକ ୩ ଜଣକୁ ଗିରଫ କରିଛି । ତେବେ ବେଙ୍ଗାଲୁରୁ ପୋଲିସ ପାଇଁ ଏମାନେ ୨୦୧୮ ମସିହାରୁ ମୋଷ୍ଟ ୱାଣ୍ଟେଡ୍ ଥିଲେ । ଏ ନେଇ ଅଧିକ ତଦନ୍ତ ପାଇଁ ୩ ଅଭିଯୁକ୍ତଙ୍କୁ ଟ୍ରାଞ୍ଜିଟ ରିମାଣ୍ଡରେ ନେବ ବେଙ୍ଗାଲୁରୁ ପୋଲିସ । ଏମାନେ ଭୁବନେଶ୍ୱରରେ ରହି ମଧ୍ୟ ସେହି ଠକେଇ କାରବାର ଚଳାଉଥିବା ସନ୍ଦେହ କରାଯାଉଛି ।
Views: 109