ମୁମ୍ବାଇ ; ଆସନ୍ତାକାଲି ରିଲିଜ ହେବ ଫିଲ୍ମ ସିକନ୍ଦର । ବକ୍ସ ଅଫିସରେ ରେକର୍ଡ ଭାଙ୍ଗିଲା ଆଡଭାନ୍ସ ବୁକିଂ । ସୁପରଷ୍ଟାର ସଲମାନଙ୍କ ଅଭିନୀତ ସିକନ୍ଦର ମୁଭିର ଟ୍ରେଲର ଦର୍ଶକଙ୍କ ମନକୁ ଛୁଇଁଛି । ତେଣୁ ଦର୍ଶକ ମୁଭି ରିଲିଜକୁ ଅପେକ୍ଷା କରିଥିଲେ । ପ୍ରଥମ ଦିନର ବକ୍ସ ଅଫିସରେ ୧୨ କୋଟିରୁ ଅଧିକ କଲେକ୍ସନ କରିଛି । ଦ୍ବିତୀୟ ଦିନର ଆଡଭାନ୍ସ କଲେକ୍ସନ ପାଇଁ ଆଶାବାଦୀ ରହିଛି ପୁରା ଟିମ୍ । ଆଡଭାନ୍ସ ବୁକିଂକୁ ନଜରରେ ରଖି ଫିଲ୍ମଟି ସୁପରହିଟ ହେବାର ସଙ୍କେତ ଦେଉଛି । ସେହିପରି ୧୨.୫୩ କୋଟି ଟଙ୍କା ବକ୍ସଅଫିସରେ କଲେକ୍ସନ ହେବ ବୋଲି ଅନୁମାନ କରାଯାଉଛି । ସିକନ୍ଦର ଫିଲ୍ମ ରିଲିଜ ପାଇଁ ସିନେମାହଲରେ ଜୋରସୋର ପ୍ରସ୍ତୁତି ଚାଲିଛି । ସେହିପରି ଫିଲ୍ମକୁ ନେଇ ସଲମାନ କହିଛନ୍ତି, ସାଢ଼େ ୩ ମିନିଟର ଟ୍ରେଲରରେ କିଛି ନାହିଁ । ୨ ଘଣ୍ଟା ୨୫ ମିନିଟର ଫିଲ୍ମ ଦେଖିବା ପରେ କାହାଣୀ ଜଣାପଡିବ । ଆକ୍ସନ ଫିଲ୍ମରେ ଇମୋସନ ଅତ୍ୟନ୍ତ ଜରୁରୀ ବୋଲି ସଲମାନ କହିଛନ୍ତି । ଫିଲ୍ମର ମୁଖ୍ୟ ଭୂମିକାରେ ରହିଛନ୍ତି ଦବଙ୍ଗ ଖାନ ଓ ରଶ୍ମିକା ମନ୍ଦାନା। ସାଜିଦ୍ ନାଡିୱାଡାୱାଲା ପ୍ରଯୋଜକ ଥିବାବେଳେ ନିର୍ଦ୍ଦେଶନା ଦେଇଛନ୍ତି ଏ.ଆର୍. ମୁରଗାଡୋସ୍ ।
