ନୂଆଦିଲ୍ଲୀ : ହିମାଚଳ ପ୍ରଦେଶର ଚମ୍ବା ଜିଲ୍ଲାରେ ଭୂମିକମ୍ପ ଝଟକା । ଭୋର ସମୟରେ ଭୂମିକମ୍ପର ପ୍ରବଳ ଝଟକା ଅନୁଭୂତ ହୋଇଥିଲା । ରିକ୍ଟର ସ୍କେଲରେ ଭୂମିକମ୍ପର ତୀବ୍ରତା ୩.୫ ମାପ କରାଯାଇଥିଲା । ଭୂକମ୍ପର କେନ୍ଦ୍ରସ୍ଥଳ ପୃଥିବୀଠାରୁ ୫ କିଲୋମିଟର ଗଭୀରତାରେ ଥିଲା । ଶୁକ୍ରବାର ସକାଳ ୬:୨୩ରେ ଚମ୍ବାରେ ଭୂମିକମ୍ପର ଝଟକା ଅନୁଭୂତ ହୋଇଥିଲା । ଏହି ସମୟରେ ଲୋକମାନେ ଘରୁ ବାହାରକୁ ବାହାରି ଆସିଥିଲେ । ଏହି ଭୂମିକମ୍ପର ପ୍ରଭାବ ଜମ୍ମୁ-କାଶ୍ମୀର ଏବଂ ପଞ୍ଜାବର କିଛି ସ୍ଥାନରେ ମଧ୍ୟ ଅନୁଭୂତ ହୋଇଥିଲା । ଏପର୍ୟ୍ୟନ୍ତ କୌଣସି ଜୀବନ କିମ୍ବା ସମ୍ପତ୍ତି କ୍ଷତି ସମ୍ପର୍କରେ କୌଣସି ସୂଚନା ନାହିଁ । ଆପଣଙ୍କୁ କହି ରଖୁଛୁ ଯେ ଗତକାଲି ଅର୍ଥାତ୍ ଗୁରୁବାର ସକାଳେ ଦେଶର ରାଜଧାନୀ ଦିଲ୍ଲୀ ଏବଂ ଆଖପାଖ ଅଞ୍ଚଳରେ ଭୂମିକମ୍ପ ଝଟକା ଅନୁଭୂତ ହୋଇଥିଲା । ଏହି ଭୂମିକମ୍ପ ପରେ ଦିଲ୍ଲୀ-ଏନସିଆର ଲୋକଙ୍କ ମଧ୍ୟରେ ବହୁତ ଭୟ ଖେଳିଯାଇଥିଲା ।
