ନୂଆଦିଲ୍ଲୀ : ଜାତିସଂଘରେ ପାକିସ୍ତାନର ମୁଖା ଖୋଲିଲା ଭାରତ । ପହଲଗାମ ଆତଙ୍କୀ ହମଲାକୁ ନେଇ ବର୍ଷିଲେ ଜାତିସଂଘ ସ୍ଥାୟୀ ପ୍ରତିନିଧି । ପାକିସ୍ତାନ ଆତଙ୍କୀଙ୍କୁ ପାଷୁଥିବା ଦେଶ କହିଲେ ଜାତିସଂଘ ପ୍ରତିନିଧି ଯୋଜନା ପଟେଲ । ପାକିସ୍ତାନ ଆତଙ୍କୀଙ୍କୁ ପ୍ରୋତ୍ସାହନ ଦେଉଥିବା ଏକ ଦୁଷ୍ଟ ରାଷ୍ଟ୍ର । ପାକିସ୍ତାନ ପ୍ରତିରକ୍ଷା ମନ୍ତ୍ରୀଙ୍କ ଖ୍ୱାଜା ସରିଫଙ୍କ ବୟାନ ବିଶ୍ୱ ଶୁଣୁଛି । ଆତଙ୍କୀ ସଂଗଠନକୁ ପାକିସ୍ତାନ ପାଣ୍ଠି ଯୋଗାଉଥିବା ମାନିଛନ୍ତି ଖ୍ୱାଜା । ଭାରତକୁ ନେଇ ପାକିସ୍ତାନର ମନ୍ତବ୍ୟକୁ ଦୃଢ ନିନ୍ଦା କଲେ ଯୋଜନା ପଟେଲ । ବିନା ତଥ୍ୟ ପ୍ରମାଣରେ ଭିତ୍ତିହୀନ ଅଭିଯୋଗ ଆଣୁଛି ପାକିସ୍ତାନ । ପହଲଗାମକୁ ନେଇ ସାରା ବିଶ୍ୱ ଭାରତ ସହ ଛିଡା ହୋଇଛି । ଏହା ଅନ୍ତ ରାଷ୍ଟ୍ରୀୟ ସ୍ତରରେ ଆତଙ୍କବାଦ ପ୍ରତି ଶୂନ୍ୟ ସହନଶୀଳତାର ଉଦାହରଣ । ଆତଙ୍କବାଦୀଙ୍କ କୌଣସି କାର୍ୟ୍ୟକଳାପ ନିନ୍ଦନୀୟ ବୋଲି ଜାତିସଂଘରେ କହିଛନ୍ତି ଯୋଜନା ପଟେଲ ।
