ନୂଆଦିଲ୍ଲୀ : ଦିଲ୍ଲୀ-ଏନସିଆରରେ ଏକାଧିକ ସ୍କୁଲକୁ ବୋମା ବିସ୍ଫୋରଣ ଧମକ । ଇ ମେଲରେ ଆସିଛି ଧମକ । ପିଲାଙ୍କୁ ଫେରାଇଲେ କର୍ତ୍ତୁପକ୍ଷ । ଡଗ୍ ସ୍କ୍ୱାର୍ଡ ଓ ଦିଲ୍ଲୀ ପୋଲିସ ପକ୍ଷରୁ ସ୍କୁଲ ପରିସର ଯାଞ୍ଚ । ଛାତ୍ରଛାତ୍ରୀ , ଅଭିଭାବକଙ୍କୁ ଭୟଭୀତ ନ ହେବାକୁ ପୋଲିସର ପରାମର୍ଶ । ଏଭି ସାଉଥ ୱେଷ୍ଟ, ଦ୍ୱାରକା ଡିପିଏସ୍, ମୟୂର ବିହାରରେ ଥିବା ମଦର ମେରୀ ସ୍କୁଲ, ନୋଏଡାର ଡିପିଏସ୍ ପରି ହାଇପ୍ରୋଫାଇଲ ସ୍କୁଲକୁ ଧମକପୂର୍ଣ୍ଣ ମେସେଜ୍ ଆସିଛି । ଭୋର ସମୟରୁ ସବୁ ସ୍କୁଲକୁ ମେସେଜ୍ ଆସିଛି । ଗୋଟିଏ ଇ-ମେଲ୍ରୁ ସବୁ ସ୍କୁଲକୁ ମେଲ୍ ଆସିଥିବା ଜଣାପଡ଼ିଛି । ପୂରା ସ୍କୁଲକୁ ଖାଲି କରାଯାଇ ତଲାସୀ ଅଭିଯାନ ଜୋରଦାର କରାଯାଇଛି । ଦେଶ ବାହାରୁ ସବୁ ସ୍କୁଲକୁ ମେଲ୍ ଆସିଥିବା ଆଇପି ଆଡ୍ରେସ୍ରୁ ଜଣାପଡ଼ିଛି । ଏହି ଘଟଣା ପରେ ପୋଲିସ ଘଟଣାର ତଦନ୍ତ ଆରମ୍ଭ କରିଛି ।
