ନୂଆଦିଲ୍ଲୀ : ବାଗେଶ୍ୱର ଧାମରେ ଭୁଶୁଡିଲା କୋଠା । ମଧ୍ୟପ୍ରଦେଶ ଛତରପୁର ଜିଲ୍ଲା ବାଗେଶ୍ୱର ଧାମନିକଟରେ ଥିବା ଏକ ଢାବାରେ କାନ୍ଥ ଭୁଶୁଡିପଡିଛି । ଏହି ଘଟଣାରେ ବିର୍ଜାପୁରର ଅନୀତା ଦେବୀଙ୍କ ମୃତ୍ୟୁ ହୋଇଥିବା ବେଳେ ୧୧ ଜଣ ଆହତ ହୋଇଛନ୍ତି । ସମସ୍ତେ ବାଗେଶ୍ବର ଧାମ ମହାରାଜଙ୍କୁ ଦର୍ଶନ ପାଇଁ ଆସି ଢାବାରେ ରହିଥିଲେ । ପ୍ରାୟ ରାତି ୩ଟଣ୍ଟ ୩୦ ମିନିଟ ସମୟରେ ଏହି ଦୁର୍ଘଟଣା ହୋଇଥିଲା । ହତାଠ କାନ୍ଥ ଭୁଶୁଡିଯିବାରୁ ସମସ୍ତେ ଚାପି ହୋଇଯାଇଥିଲେ । ସେମାନଙ୍କ ଚିତ୍କାର ଶୁଣି ଆଖପାଖରେ ଥିବା ଲୋକାମାନେ ଆସି ସେମାନଙ୍କୁ ହସ୍ପିଟାଲରେ ଭର୍ତ୍ତି କରିଥିଲେ । ମା’ଙ୍କ ସହ ବାଗେଶ୍ୱର ଧାମକୁ ଆସିଥିବା ଦୁଇ ଝିଅ ଜିଲ୍ଲା ଡାକ୍ତରଖାନାରେ ଅସହ୍ୟ କାନ୍ଦୁଥିଲେ। ସେମାନେ କହିଥିଲେ ଯେ ସେମାନଙ୍କ ମା’ ନିଖୋଜ ଅଛନ୍ତି ଓ ଏହି ହଠାତ୍ ଦୁର୍ଘଟଣାରେ ସେମାନେ କାନ୍ଥ ତଳେ ପୋତି ହୋଇଯାଇଛନ୍ତି। ହସ୍ପିଟାଲ ପରିଚାଳନାକୁ ନେଇ ଗମ୍ଭୀର ଅଭିଯୋଗ ଆଣିଛନ୍ତି ସେଠାରେ ଚିକିତ୍ସିତ ହେଉଥିବା ଆହତମାନେ । ସେମାନେ କହିଛନ୍ତି କି, ଓଦାରେ ରହିଥିଲେ । ସେମାନଙ୍କୁ କମ୍ବଳ ଦିଆଯାଇନଥିଲା । କିଛି ଲୋରକଙ୍କ ଉପଯୁକ୍ତ ଜିକିତ୍ସା ହୋଇନଥିବା ମଧ୍ୟ ଅଭିଯୋଗ ହୋଇଛି ।
