ନୂଆଦିଲ୍ଲୀ : ଦିଲ୍ଲୀରେ ଥିବା କାଲକାଜି ସ୍ଥାନରୁ ଏକ ଦୁଃଖଦ ଘଟଣା ସାମନାକୁ ଆସିଛି । ସୂଚନା ଅନୁସାରେ କାଲକାଜିରେ ଆଜି ଏକ ଅଘଟଣ ଘଟିଛି । ପ୍ରବଳ ବର୍ଷା ହେବା କାରଣରୁ ଏକ ବଡ ଗଛ ହଠାତ ରାସ୍ତା ଉପରେ ଚଳି ପଡିଲା । ଦୁର୍ଭାଗ୍ୟର କଥା ସେହି ସମୟରେ ଏହି ବାଟଦେଇ ଏକ ବାଇକ ଚାଳକ ଯାଉଥିଲେ । ଗଛଟି ଏହି ବାଇକ ଆରୋହିଙ୍କ ଉପରେ ହଠାତ ପଡିଯାଇଥିଲା । ଏହି କାରଣରୁ ଘଟଣା ସ୍ଥଳରେ ବାଇକ ଚାଳକଙ୍କ ଜୀବନ ଚାଲି ଯାଇଥିଲା । ଏହା ସହ ଆଉଜଣେ ଗୁରୁତର ଆହତ ହୋଇଛନ୍ତି । ନିକଟରେ ଯାଉଥିବା କାର ଉପରେ ଗଛଟି ପଡିଯାଇଥିଲା । ଯାହା ଫଳରେ କାରଟି କ୍ଷତିଗ୍ରସ୍ତ ହୋଇପଡିଛି । ଘଟଣା ସ୍ଥଳରେ ପୋଲିସ ଓ ପ୍ରଶାସନ ପହଞ୍ଚିଛି । ଘଟଣାର ଯାଞ୍ଚ ଚାଲିଛି । ତେବେ ମୃତକଙ୍କ ପରିଚୟ ଜଣା ପଡିଛି । ମୃତ ବ୍ୟକ୍ତି ହେଲେ ସୁଧୀର କୁମାର । ତାଙ୍କ ଝିଅ ପ୍ରିୟା ହସ୍ପିଟାଲରେ ଚିକିତ୍ସିତ ହେଉଛନ୍ତି । ଦୁଇଟି କ୍ରେନ ସାହାଯରେ ରାସ୍ତା ଉପରୁ ବିଶାଳ ଗଛଟିକୁ ହଟାଇ ଦିଆଯାଇଛି । ପ୍ରଥମେ ଏକ କଟର ସାହାଯ୍ୟରେ ଗଛଟିକୁ କଟା ଯାଇଥିଲା । ଏହାପରେ ଏହାକୁ ଦୁଇଟି ଅଂଶରେ ଅଲଗା କରାଯାଇଥିଲା । ଏହି ଘଟଣାଟି ସମ୍ପୁର୍ଣ୍ଣ ଭାବେ ସିସିଟିଭିରେ କଏଦ ହୋଇଛି ।
