ଭୁବନେଶ୍ୱର: ମୋ ସ୍ୱାମୀ ସରୋଜ ସାହୁ। ତାଙ୍କ ଦେହ ଖରାପ ଅଛି। ମୁଁ ତାଙ୍କର ଦେଖାଶୁଣା କରିବି। ତେଣୁ ମତେ ଜାମିନ ମିଳୁ। ଏଭଳି ଲେଖି ଅନ୍ତରୀଣ ଜାମିନ ପାଇଁ ହଂସିତା ଅଭିଲିପ୍ସାଙ୍କ ଓକିଲଙ୍କ ପକ୍ଷରୁ ଆବେଦନ କରାଯାଇଛି। ଅତିରିକ୍ତ ଜିଲ୍ଲା ଦୌରାଜଜ୍-୨(ଏଡିଜେଏମ୍-୨)ଙ୍କ କୋର୍ଟରେ ହଂସିତାଙ୍କ ଓକିଲ ଏଭଳି ଆବେଦନ କରିଛନ୍ତି। ଜାନୁଆରି ୧୮ ତାରିଖକୁ ଜାମିନ ଶୁଣାଣି ପାଇଁ କୋର୍ଟ ଧାର୍ୟ୍ୟ କରିଛନ୍ତି। ସିଜର ଲିଷ୍ଟରେ ଅନିଲ ମହାନ୍ତି ସ୍ୱାମୀ ବୋଲି ହଂସିତା ଉଲ୍ଲେଖ କରିଥିଲେ । ଫଳରେ ଫରୱାର୍ଡ଼ିଂ ଲେଟରରେ ଇନଫୋସିଟି ପୁଲିସ ଅନିଲ ମହାନ୍ତିଙ୍କୁ ହଂସିତାଙ୍କ ସ୍ୱାମୀ ଦର୍ଶାଇ କୋର୍ଟ ଚାଲାଣ କରିଥିଲେ। ତେବେ ହଂସିତା ଏବେ ଜାମିନ ପାଇଁ ସରୋଜଙ୍କୁ ନିଜ ସ୍ୱାମୀ ବୋଲି କହିଛନ୍ତି।
