ନୂଆଦିଲ୍ଲୀ : ପଳାତକ ଲୁଥ୍ରା ବ୍ରଦର୍ସ ଦିଲ୍ଲୀରେ ପହଁଚିଲେ । ଗୋଆ ଅଗ୍ନିକାଣ୍ଡର ୧୦ ଦିନ ପରେ ପହଁଚିଲେ । କଡା ସୁରକ୍ଷା ବଳୟରେ ଥାଇଲାଣ୍ଡରୁ ଅଣାଗଲା । ଦିଲ୍ଲୀ କୋର୍ଟରେ ହାଜର ପରେ ଟ୍ରାଞ୍ଜିଟ ରିମାଣ୍ଡରେ ଗୋଆ ନିଆଯିବ । ଗୋଆ ନାଇଟ କ୍ଲବରେ ନିଆଁ ଲାଗି ୨୫ ଜଣ ପ୍ରାଣ ହରାଇଥିଲେ । ନାଇଟ କ୍ଲବର ମାଲିକ ଲୁଥ୍ରା ଭାଇ ହେଉଛନ୍ତି ସୈାରଭ ଓ ଗୈାରବ । ଘଟଣା ପରେ ଭାରତ ଛାଡି ଲୁଚି ପଳାଇଥିଲେ ଥାଇଲାଣ୍ଡ । ଗିରଫ ପରେ ଏବେ ଦୁହିଁଙ୍କ ଡାକ୍ତରୀ ପରୀକ୍ଷା କରାଯିବ ଏବଂ ପଟିଆଲା ହାଉସ କୋର୍ଟରେ ହାଜର କରାଯିବ, ଯେଉଁଠାରେ ୨୪ ଘଣ୍ଟାର ଟ୍ରାଞ୍ଜିଟ୍ ରିମାଣ୍ଡ ଲୋଡାଯିବ ବୋଲି ଜଣାପଡ଼ିଛି। ଡିସେମ୍ବର ୧୧ ତାରିଖରେ ଲୁଥ୍ରା ଭାଇମାନଙ୍କୁ ଥାଇଲାଣ୍ଡର ଫୁକେତରେ ଥିବା ହୋଟେଲ ଇଣ୍ଡିଗୋରେ ଅଟକ ରଖାଯାଇଥିଲା। ଡିସେମ୍ବର ୧୨ ତାରିଖରେ ସେମାନଙ୍କୁ ଫୁକେତରୁ ବ୍ୟାଙ୍କକ୍କୁ ପ୍ରତ୍ୟର୍ପଣ କରାଯାଇଥିଲା, ଯେଉଁଠାରେ ଆନୁଷ୍ଠାନିକ ପ୍ରତ୍ୟର୍ପଣ ପ୍ରକ୍ରିୟା ଆରମ୍ଭ ହୋଇଥିଲା। ଡିସେମ୍ବର ୧୧ ତାରିଖରେ, ଗୋଆ ପୁଲିସର ଉଦ୍ୟମରେ ଲୁଥ୍ରା ଭାଇମାନଙ୍କ ପାସପୋର୍ଟକୁ ରଦ୍ଦ କରାଯାଇଥିଲା। ସେହିଦିନ, ରୋହିଣୀ କୋର୍ଟ ଦ୍ୱାରା ସେମାନଙ୍କର ଆଗୁଆ ଜାମିନ ଆବେଦନ ଖାରଜ କରାଯାଇଥିଲା ଏବଂ ସେମାନଙ୍କୁ କୌଣସି ଆଶ୍ୱସ୍ତି ମିଳିନଥିଲା।
