ନୂଆଦିଲ୍ଲୀ : ଆସନ୍ତା ୫ରେ ସ୍କୁଲ ଛୁଟି ଘୋଷଣା କଲେ ସରକାର । ଦିଲ୍ଲୀର ସରକାରୀ ଓ ବେସରକାରୀ ସ୍କୁଲ ସହ କଲେଜ ଆସନ୍ତା ଫେବୃଆରୀ ୫ ତାରିଖରେ ବନ୍ଦ ରହିବ । ୨୦୨୫ ଫେବୃଆରୀ ୫ ତାରିଖରେ ଦିଲ୍ଲୀରେ ବିଧାନସଭା ନିର୍ବାଚନ ଅନୁଷ୍ଠିତ ହେବ।ନିର୍ବାଚନ ସୁଗମ ପରିଚାଳନା ସୁନିଶ୍ଚିତ କରିବା ପାଇଁ ଦିଲ୍ଲୀ ସରକାର ସମସ୍ତ ସରକାରୀ କାର୍ୟ୍ୟାଳୟରେ ଛୁଟି ଘୋଷଣା କରିଛନ୍ତି ଯାହାଦ୍ୱାରା କର୍ମଚାରୀମାନେ ଭୋଟ ଦେଇପାରିବେ।ଏହା ବ୍ୟତୀତ ଯେଉଁ ସ୍କୁଲ ଏବଂ କଲେଜଗୁଡ଼ିକୁ ମତଦାନ କେନ୍ଦ୍ର କରାଯାଇଛି ସେଗୁଡ଼ିକ ମଧ୍ୟ ଫେବୃଆରୀ ୪ ତାରିଖରେ ବନ୍ଦ ରହିପାରେ।ଏହି ଅନୁଷ୍ଠାନଗୁଡିକରେ ନିର୍ବାଚନ ପାଇଁ ପ୍ରଶାସନିକ ପ୍ରସ୍ତୁତି ଚୂଡାନ୍ତ ହେବ । ଏଥିରେ ଜାମିଆ ମିଲ୍ଲିଆ ଇସଲାମିଆର ସ୍କୁଲ ବିଭାଗ ମଧ୍ୟ ଅନ୍ତର୍ଭୁକ୍ତ, ଯାହା ଫେବୃଆରୀ ୪ ଏବଂ ୫ ରେ ବନ୍ଦ ରହିବ ।ଏହା ବ୍ୟତୀତ ଲୋକଙ୍କ ମଧ୍ୟରେ ମତଦାନ ବିଷୟରେ ସଚେତନତା ସୃଷ୍ଟି କରିବା ପାଇଁ ଆଜି ଦିଲ୍ଲୀରେ ଏକ ରାଲି ଆୟୋଜନ କରାଯାଇଛି।
