ସମ୍ବଲପୁର : ହୀରାକୁଦ ଡ୍ୟାମର ୨୦ଟି ଗେଟ ଦେଇ ବନ୍ୟାଜଳ ନିଷ୍କାସନ ଜାରି । ଏବେ ହୀରାକୁଦ ଡ୍ୟାମର ଜଳସ୍ତର ୬୦୯.୭୯ ଫୁଟ । ହୀରାକୁଦକୁ ପ୍ରବେଶ କରୁଛି ୩ ଲକ୍ଷ ୪୨ ହଜାର ୪୫୩ କ୍ୟୁସେକ ଜଳ । ନିଷ୍କାସନ ହେଉଛି ୩ ଲକ୍ଷ ୩୫ ହଜାର ୬୪୯ କ୍ୟୁସେକ ଜଳ । ଗତକାଲି ପ୍ରଥମେ ଡ୍ୟାମ ବାମପାର୍ଶ୍ବର ୭ ନମ୍ବର ସ୍ଲୁଇସ ଗେଟ୍ ଖୋଲାଯାଇଥିଲା । ପରେ ପର୍ୟ୍ୟାୟକ୍ରମରେ ବାମପାର୍ଶ୍ବର ୧୩ ଟି ଓ ଡାହାଣ ପାର୍ଶ୍ବର ୭ଟି ଗେଟ ଖୋଲାଯାଇଥିଲା । ଜଳସ୍ତର ୬୦୫ ଫୁଟ ଖସିବା ପର୍ୟ୍ୟନ୍ତ ଜଳ ନିଷ୍କାସନ ଜାରି ରହିବ। ହୀରାକୁଦ ପାଣି ଯୋଗୁଁ ବନ୍ୟା ଆସିବାର ସମ୍ଭାବନା ନାହିଁ । ତଥାପି ସତର୍କ ରହିବାକୁ ବିଭାଗୀୟ ଅଧିକାରୀଙ୍କୁ ପରାମର୍ଶ ଦିଆଯାଇଛି। ହୀରାକୁଦ ବନ୍ୟାଜଳ ଛଡ଼ାଯିବା ପୂର୍ବରୁ ତଳିଆ ଅଞ୍ଚଳବାସୀଙ୍କୁ ସତର୍କ କରିଛି ପ୍ରଶାସ ନ। ସ୍ଥିତି ଉପରେ ପୋଲିସ, ଅଗ୍ନିଶମ ଓ ଓଡ୍ରାଫ ଟିମ୍ ନଜର ରଖିଛନ୍ତି ।
