ସୋର : ସୁନା ଦୋକାନୀଙ୍କ ପାଖରୁ ଲୁଟିନେଲେ । ଦୋକାନ ଖୋଲୁ ଖୋଲୁ ଲୁଟିନେଲେ ଲୁଟେରା । ଏଭଳି କାଣ୍ଡ ଘଟିଛି ବାଲେଶ୍ୱର ଜିଲ୍ଲା ଖଇରା ଥାନା ଅନ୍ତର୍ଗତ ଡୁଙ୍ଗୁରା ବଜାରରେ । ଲୁଟର ଶିକାର ହୋଇଛନ୍ତି ସାନ ଜୟପୁର ଗାଁର ଗଣେଶ ସାହୁ । ୭ ବର୍ଷ ହେବ ସେ ଡୁଙ୍ଗୁରା ବଜାରରେ ଦୋକାନ କରିଛନ୍ତି । କିନ୍ତୁ ଗତ ୪ ଦିନ ଧରି ସେ ଦୋକାନ ବନ୍ଦ କରିଥିବା ବେଳେ ଆଜି ସେ ଦୋକାନ ଖୋଲିବାକୁ ଯାଇଥିଲେ । ଦୋକାନ ସଟର ଖୋଲିବା ବେଳେ ସେ ଏମିତି ଲୁଟର ଶିକାର ହୋଇଛନ୍ତି । ୨ ଜଳ ଲୁଟେରା ସୁନା ବ୍ୟାଗ ଛଡାଇ ଫେରାର ହୋଇ ଯାଇଛନ୍ତି । ତେବେ ଦୋକାନୀଙ୍କ ପାଖରେ ସୁନା, ରୂପା ମିଶି ପାଖାପାଖି ଦେଢଲକ୍ଷ ଟଙ୍କାର ସୁନା ଗହଣା ରହିଥିଲା ଯାହାକୁ ନେଇ ଫେରାର ହୋଇଯାଇଛନ୍ତି । ଏହି ଲୁଟର ଦୃଶ୍ୟ ସିସିଟିଭିରେ କଏଦ ହୋଇଛି । ଏ ନେଇ ପୋଲିସ ଘଟଣାସ୍ଥଳରେ ପହଁଚି ତଦନ୍ତ ଚଳାଇଛି ପୋଲିସ ।
