ମୁମ୍ବାଇ : ଖୁବ ଶୀଘ୍ର ଆସିବାକୁ ଯାଉଛି କପିଲ ଶର୍ମାଙ୍କ ସୁପରହିଟ୍ ଡେବ୍ୟୁ ଫିଲ୍ମ ‘କିସ୍ କିସ୍ କୋ ପ୍ୟାର୍ କରୁଁ’ର ସିକ୍ୱେଲ୍ । ଗତକାଲି ରାମନବମୀର ପବିତ୍ର ଅବସରରେ କପିଲ ଶର୍ମା ନିଜେ ଏହି ଫିଲ୍ମର ପୋଷ୍ଟର ରିଲିଜ୍ କରିଛନ୍ତି । ଏହି ପୋଷ୍ଟର ରିଲିଜ୍ କରି କପିଲ ଶର୍ମା ଇନଷ୍ଟାଗ୍ରାମରେ ଲେଖିଛନ୍ତି, ‘ସମସ୍ତଙ୍କୁ ରାମ ନବମୀର ଶୁଭେଚ୍ଛା ।’ କିନ୍ତୁ ଫିଲ୍ମର ରିଲିଜ ଡେଟ୍ ଏପର୍ୟ୍ୟନ୍ତ ଘୋଷଣା କରାଯାଇ ନାହିଁ । କପିଲ ଶର୍ମା ଟିଭି ଜଗତର ଜଣେ ବଡ଼ ଷ୍ଟାର ଏବଂ ବହୁ ବର୍ଷ ଧରି ସେ ନିଜ କମେଡି ପାଇଁ ଲୋକଙ୍କ ହୃଦୟରେ ରାଜ କରିଆସୁଛନ୍ତି । କିନ୍ତୁ କପିଲଙ୍କ ଫିଲ୍ମ ଯାତ୍ରା ଏପର୍ୟ୍ୟନ୍ତ କିଛି ବିଶେଷ ହୋଇନାହିଁ । କପିଲଙ୍କ ଫିଲ୍ମ ‘କିସ୍ କିସ୍ କୋ ପ୍ୟାର୍ କରୁଁ-୨’ ଚଳିତ ବର୍ଷ ରିଲିଜ ହୋଇପାରେ । ତାଙ୍କ ଡେବ୍ୟୁ ଫିଲ୍ମର ଏହି ସିକ୍ୱେଲ୍ ବକ୍ସ ଅଫିସରେ କପିଲ ଶର୍ମାଙ୍କ ପାଇଁ ଏକ ଲକି ଚାର୍ମ ହୋଇପାରେ । ପୁଣିଥରେ, ଏହି ଫିଲ୍ମରେ କପିଲଙ୍କ ମଜାଦାର କମେଡି ଦେଖିବାକୁ ମିଳିବ । ଏହି ଫିଲ୍ମଟି ଅନୁକଳ୍ପ ଗୋସ୍ୱାମୀଙ୍କ ଦ୍ୱାରା ନିର୍ଦ୍ଦେଶିତ । କପିଲଙ୍କ ସହିତ ମନଜୋତ ସିଂହ ମଧ୍ୟ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ ।
