ସିଙ୍ଗାପୁର : ସିଙ୍ଗାପୁରର ରିଭର ଭ୍ୟାଲି ରୋଡର ୩ମହଲା ସପିଂମଲରେ ଭୟଙ୍କର ଅଗ୍ନିକାଣ୍ଡ । ଏହି ଦୁର୍ଘଟଣାରେ ୧୫ଜଣ ପିଲାଙ୍କ ସମେତ ୧୯ଜଣ ଲୋକ ଗୁରୁତର ଭାବେ ଆହତ ହୋଇଛନ୍ତି । ଆହତଙ୍କ ମଧ୍ୟରେ ଆନ୍ଧ୍ରପ୍ରଦେଶର ଉପମୁଖ୍ୟମନ୍ତ୍ରୀ ପବନ କଲ୍ୟାଣଙ୍କ ପୁଅ ମଧ୍ୟ ରହିଛନ୍ତି । ଜେଟ୍ ସାହାଯ୍ୟରେ ୩୦ ମିନିଟ୍ ମଧ୍ୟରେ ନିଆଁକୁ ଆୟତ୍ତ କରାଯାଇଥିଲା । ଆହତମାନଙ୍କୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଛି । ଅଗ୍ନିକାଣ୍ଡର କାରଣ ଏପର୍ୟ୍ୟନ୍ତ ଅସ୍ପଷ୍ଟ ରହିଛି । ସୂଚନା ମୁତାବକ, ସିଙ୍ଗାପୁରର ପ୍ରଖ୍ୟାତ ଉପମୁଖ୍ୟମନ୍ତ୍ରୀ ପବନ କଲ୍ୟାଣଙ୍କ ସାନ ପୁଅ ଶଙ୍କର ଆହତ ଅବସ୍ଥାରେ ହସ୍ପିଟାଲରେ ଭର୍ତ୍ତି ହୋଇଛନ୍ତି । ତାଙ୍କ ପୁ୍ଅର ହାତ ଏବଂ ଗୋଡରେ ଶକ୍ତ ଆଘାତ ଲାଗିଥିବା ସୂଚନା ମିଳିଛି ।
