ଯାଜପୁର : କରୋନା ମହାମାରୀ ଦିନକୁ ଦିନ ବଢୁଥିବା ସମୟରେ ପାଠ ପଢାରେ ଘୋର ସମସ୍ୟା ସୃଷ୍ଟି ହୋଇଛି । ବିଶେଷକରି ଛାତ୍ରଛାତ୍ରୀମାନଙ୍କ ଉପରେ ଏହାର ବେଶ୍ ପ୍ରଭାବ ପଡିଛି । ତେବେ ଚଳିତ ବର୍ଷ ଯୁକ୍ତ ଦୁଇ ପରୀକ୍ଷା ବାତିଲ ପାଇଁ ଛାତ୍ରଛାତ୍ରୀ ଦାବି କରିଆସୁଥିଲେ । ସେମାନଙ୍କ ଦାବିକୁ କେହି ଗୁରୁତ୍ୱ ନ ଦେବାରୁ ଆଜି ଯାଜପୁର ଜିଲ୍ଲା ଅର୍ନ୍ତଗତ ବିଭିନ୍ନ ମହାବିଦ୍ୟାଳୟର ଛାତ୍ରମାନେ ଧର୍ମଶାଳା ମହାବିଦ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିବା ସହ ଜାରକା- ନାକପୋଲ ମୁଖ୍ୟ ରାସ୍ତାକୁ ୨ ଘଂଟା ଧରି ଅବରୋଧ କରିଥିଲେ । ଫଳରେ ଉଭୟ ପକ୍ଷରୁ ଗାଡି ଚଳାଚଳ ବ୍ୟାହତ ହୋଇଥିଲା । ସେମିଷ୍ଟର ସରିନି,ଅନ୍ ଲାଇନ ରେ କ୍ଲାସ ଠିକ ଭାବେ ହୋଇନି, ମୋବାଇଲ ନେଟୱର୍କ ସମସ୍ୟା ସାଙ୍ଗକୁ ପାଠପଢ଼ା ସରିନି । ଏହି ସମୟରେ ତୁରନ୍ତ ପରୀକ୍ଷା କରିବାକୁ ସରକାରଙ୍କ ପକ୍ଷରୁ କୁହାଯାଇଛି । ଯାହାକୁ ବିରୋଧ କରି ଛାତ୍ରମାନେ ଶିକ୍ଷା ମନ୍ତ୍ରୀଙ୍କ ବିରୁଦ୍ଧରେ ନାରାବାଜି ଦେଇଛନ୍ତି । ତେବେ ପରୀକ୍ଷା ବାତିଲ ନ ହେଲେ ଆଗକୁ ଛାତ୍ରଛାତ୍ରୀ ରାଜରାସ୍ତାକୁ ଓଲ୍ହାଇବେ ବୋଲି ଚେତାବନୀ ଦେଇଛନ୍ତି ।
