ବଲାଙ୍ଗୀର : ଭିଜିଲାନ୍ସ ଜାଲରେ ଜିଓଲୋଜିଷ୍ଟ । ୪୦ ହଜାର ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ହାତରେ ଧରା ପଡିଲେ ବଲାଙ୍ଗୀର ଭୂତଳ ଜଳ ବିକାଶ ବିଭାଗରେ କାର୍ୟ୍ୟରତ ଜିଓଲୋଜିଷ୍ଟ ଅସୀମ ଅଂଶୁମାନ ନାୟକ। ବର୍ଷାଜଳ ସଂରକ୍ଷଣ କାମର ବିଲ କରିବା ପାଇଁ ଜଣେ ଠିକାଦାରଙ୍କୁ ୫୦ ହଜାର ଲାଞ୍ଚ ମାଗିଥିଲେ ଜିଓଲୋଜିଷ୍ଟ ଅସୀମ ଅଂଶୁମାନ ନାୟକ। ଫାଇଲ କାମ ଆଗକୁ ବଢାଇବା ପାଇଁ ପ୍ରଥମ କିସ୍ତିରେ ୧୦ ହଜାର ନେବା ପରେ ଆଉ ୪୦ ଦେଲା ପରେ ବିଲ୍ ପାସ୍ କରିବାକୁ ପାଇଁ କହିଥିଲେ। ଯାହା ପରେ ଠିକାଦାର ଜଣଙ୍କ ଏନେଇ ଭିଜିଲାନ୍ସରେ ଅଭିଯୋଗ କରିଥିଲେ। ଯୋଜନା ମୁତାବକ ଆଜି ଠିକାଦାର ଜଣଙ୍କ ଜିଓଲୋଜିଷ୍ଟ ଅସୀମ ଅଂଶୁମାନ ନାୟକଙ୍କ ୪୦ ହଜାର ଦେଉଥିବା ବେଳେ ଧରିଥିଲା ଭିଜିଲାନ୍ସ। ସମ୍ବଲପୁର ଓ ବଲାଙ୍ଗୀର ଭିଜିଲାନ୍ସ ଟିମ ଏହି ରେଡ କରିଛି। ଜିଓଲୋଜିଷ୍ଟ ଅସୀମ ଅଂଶୁମାନ ନାୟକଙ୍କ ଅଫିସ କାର୍ୟ୍ୟାଳୟ ଓ ଶତବ୍ଦୀନଗର ଭଡା ଘରେ ଭିଜିଲାନ୍ସର ଛାନଭିନ କରୁଛି।
