ବ୍ୟୁରୋ : ସାଗୁରେ ଫାଇବରର ମାତ୍ରା ସବୁଠୁ ଅଧିକ ଥାଏ । ତେଣୁ ସାଗୁ ଖାଇବା ଦ୍ୱାରା ଆପଣଙ୍କୁ ଅନେକ ସମୟ ଧରି ଭୋକ ହୋଇ ନ ଥାଏ । ବ୍ରତ ଉପବାସରେ ସାଗୁକୁ ପାଣିରେ ବତୁଳାଇ ସେଥିରେ ଫଳ, ନଡିଆ , ଦହି ପକାଇ ଏକ ମିଶ୍ରଣ ପ୍ରସ୍ତୁତ କରି ଅନେକ ଲୋକ ଖାଇଥାନ୍ତି । ଏହା ଛଡା ସାଗୁରେ ଖେଚୁଡି ମଧ୍ୟ ପ୍ରସ୍ତୁତ କରିଥାନ୍ତି । କିନ୍ତୁ ଆଜି ଆମେ ଆପଣଙ୍କୁ ସାଗୁରେ ପ୍ରସ୍ତୁତ ପରାଠା ର ରେସିପି କହିବୁ । ଯାହାକୁ ଆପଣ ଖୁବ କମ ସମୟରେ ପ୍ରସ୍ତୁତ କରି ବ୍ରତ ଦିନରେ ଖାଇପାରିବେ । ତେବେ ଆସନ୍ତୁ ଜାଣିବା କିପରି ସାଗୁରେ ପରାଠା ତିଆରି କରିବା । ଏବଂ ଏହି ରେସିପି ପାଇଁ ଆବଶ୍ୟକ ସାମଗ୍ରୀ ବିଷୟରେ ଜାଣିବା ।
ଆବଶ୍ୟକ ସାମଗ୍ରୀ : ୧/୨ କପ ପାଣିରେ ବତୁଳାହୋଇଥିବା ସାଗୁ
୧/୨ ବାଦାମ ପାଉଡର
୨ଟି ସିଝା ଆଳୁ
୧ ଚାମଚ ଧନିଆ ପତ୍ର
ସ୍ୱାଦ ଅନୁସାରେ ଲୁଣ
୨ଟି କଟା ଯାଇଥିବା କଞ୍ଚାଲଙ୍କା
୧/୨ ମରିଚ ଗୁଣ୍ଡ
ପ୍ରସ୍ତୁତି ପ୍ରଣାଳୀ :
ପ୍ରଥମେ ଏକ ବଡ ପାତ୍ର ନିଅନ୍ତୁ । ସେଥିରୁ ଭିଜା ଯାଇଥିବା ସାଗୁ ଦାନା , ବାଦାମ ପାଉଡର ଆଳୁ , ଧନିଆ ପତ୍ର , କଞ୍ଚା ଲଙ୍କା ଏବଂ ଲୁଣ ପକାଇ ମିଶାଇ ଦିଅନ୍ତୁ । ଏହା ପରେ ହାତରେ ଘିଅ ଲଗାଇ ଏହି ମିଶ୍ରଣକୁ ନେଇ ଗୋଲ କରି ପରାଠା ତିଆରି କରନ୍ତୁ । ଏହା ପରେ ପ୍ୟାନ ବସାଇ ଘିଅ ଦେଇ ହୋକୁ ସେକନ୍ତୁ । ଗୋଲଡେନ ରଙ୍ଗ ହୋଇଯିବା ପରେ ଅନ୍ୟ ଏକ ପାତ୍ରକୁ କାଢି ଆଣନ୍ତୁ । ଥଣ୍ଡା କରି ସାରିବା ପରେ ଦହି ସହ ଖାଆନ୍ତୁ ।
(ପ୍ରତ୍ୟାଖ୍ୟାନ: ଏଠାରେ ଦିଆଯାଇଥିବା ସୂଚନା ଘରୋଇ ଉପଚାର ଏବଂ ସାଧାରଣ ସୂଚନା ଉପରେ ଆଧାରିତ। ଶପଥ ନ୍ୟୁଜ ଏହାକୁ ନିଶ୍ଚିତ କରେ ନାହିଁ।)
