ବଣାଇ : ବଣାଇ ସହରରେ ଗୋଠଛଡା ଦନ୍ତା ହାତୀର ଉତ୍ପାତ । ସହରରେ ପଶି ଆତଙ୍କ ଖେଳାଇଛି ଦନ୍ତା ହାତୀ । ଲୋକଙ୍କୁ ଆକ୍ରମଣ କରିବାକୁ ଗୋଡାଉଛି ହାତୀ । ସହରବାସୀ ଆତଙ୍କିତ , ଘରୁ ବାହାରୁ ନାହାନ୍ତି ଲୋକେ । ଖବର ଅନୁଯାୟୀ, ଗତ କିଛି ଦିନ ହେବ ବଣାଇ ଅଞ୍ଚଳରେ ଗୋଟେ ହାତୀ ଉତ୍ପାତ କରୁଥିବା ବେଳେ ଆଜି ହାତୀଟି ବଣାଇ ସହରର ମୁଖ୍ୟ ରାସ୍ତାକୁ ଚାଲିଆସିଛି । ଲୋକଙ୍କୁ ଆକ୍ରମଣ କରିବାକୁ ହାତୀଟି ଗୋଡାଉଥିବା ଦେଖିବାକୁ ମିଳିଛି । ଯାହାକୁ ନେଇ ଲୋକେ ଆତଙ୍କିତ ହୋଇପଡିଛନ୍ତି । ଭୟରେ ଲୋକେ ଘରୁ ବାହାରିବା ବି ମୁସ୍କିଲ ହୋଇପଡିଛି । ହାତୀଟି ସହରକୁ ପଶି ଆସି ବିଭିନ୍ନ କଲୋନୀରେ ବୁଲୁଥିବାର ଚିତ୍ର ସାମ୍ନାକୁ ଆସିଛି । ଆଜି ସକାଳେ ସ୍ଥାନୀୟ ଲୋକେ ସହର ଭିତରେ ହାତୀ ବୁଲୁଥିବାର ଦେଖି ଭୟଭୀତ ହୋଇପଡିଛନ୍ତି ।
