ଲକ୍ଷ୍ନୌ : ବଡ଼ ରେଳ ଦୁର୍ଘଟଣାରୁ ଅଳ୍ପକେ ବର୍ତ୍ତିଲା ପୁରୀ-ନୂଆଦିଲ୍ଲୀ ନୀଳାଚଳ ଏକ୍ସପ୍ରେସ । ଟ୍ରେନଟି ଲକ୍ଷ୍ନୌ ନିକଟସ୍ଥ ନିଗୋହାନ ରେଳ ଷ୍ଟେସନ ଦେଇ ଗତି କରୁଥିବାବେଳେ ଲୋକୋପାଇଲଟ୍ ଟ୍ରେନର ଗତିରେ କିଛିଟା ଅସ୍ବାଭାବିକତା ଅନୁଭବ କରିଥିଲେ । ଜଣାପଡ଼ିଥିଲା ଯେ ରେଳଧାରଣାଟି ବଙ୍କା ରହିଛି । ଏହି କାରଣରୁ ଟ୍ରେନଟିରେ କମ୍ପନ ଅନୁଭବ ହେଉଛି । ଏହାପରେ ଲୋକୋପାଇଲଟ୍ ତୁରନ୍ତ ଟ୍ରେନକୁ ଅଟକାଇ ଦେଇଥିଲେ । ଏହା ସହିତ ସେ ଘଟଣା ସମ୍ପର୍କରେ କଣ୍ଟ୍ରୋଲ ରୁମକୁ ଖବର ଦେଇଥିଲେ । ଏହା ପରେ ଘଟଣାସ୍ଥଳରେ ବୈଷୟିକ ଟିମ ପହଞ୍ଚିବା ସହ ଟ୍ରାକରେ ଆବଶ୍ୟକ ମରାମତି କାମ ଆରମ୍ଭ ହୋଇଥିଲା । ସେପଟେ ପୂରା ଘଟଣାର ତଦନ୍ତ ନିର୍ଦ୍ଦେଶ ଦେଇଛନ୍ତି ଡିଆରଏମ ।
