ଟାଙ୍ଗୀ : ଖୋର୍ଦ୍ଧା ଜିଲ୍ଲାର ବାଣପୁର ଥାନା ଅନ୍ତର୍ଗତ ଜୀବନଦେଇପୁର ଗ୍ରାମର ମୁଣ୍ଡିଆ ପାଖରେ ଏଭଳି ଏକ ଘଟଣା ଦେଖିବାକୁ ମିଳିଛି । ଜୀବନଦେଇପୁର ଗ୍ରାମର ପାହାଡ ପାଖରେ ଜଣେ ଅଜଣା ବ୍ୟକ୍ତିଙ୍କ ମୃତଦେହ ପଡିଥିବାର ଦେଖିବାକୁ ମିଳିଛି । । ତେବେ ଏଠାକୁ ମୃତଦେହ କିପରି ଆସିଲା ତାହା ନେଇ ଏଯାଏଁ ସ୍ପଷ୍ଟ ହୋଇପାରିନି । ରବିବାର ସକାଳେ ଗ୍ରାମବାସୀ ଏହି ମୃତଦେହଟି ଉଲଗ୍ନ ଅବସ୍ଥାରେ ପଡିଥିବା ଦେଖିଥିଲେ। ଲୋକେ ଏ ନେଇ ନାଚୁଣୀ ଫାଣ୍ଡିରେ ଖବର ଦେଇଥିଲେ । ଖବର ପାଇ ନାଚୁଣୀ ଫାଣ୍ଡି ପୋଲିସ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି। ତେବେ ବ୍ୟକ୍ତି ଜଣକ କି’ଏ ଏବଂ କଣ ପାଇଁ ତାଙ୍କର ମୃତ୍ୟୁ ହୋଇଛି ଏହାର ସତ୍ୟତା ତଦନ୍ତ ପରେ ହିଁ ଜଣାପଡିବ ବୋଲି ପୋଲିସ ସୂଚନା ଦେଇଛି । ଏହା ଦୁଇ ଦିନ ତଳର ଘଟଣା ବୋଲି ନାଚୁଣୀ ଫାଣ୍ଡି ଅଧିକାରୀ କେଶବ ବେହେରା ଏନେଇ ସୂଚନା ଦେଇଛନ୍ତି ।
