ଚଣ୍ଡୀଖୋଲ : ଅଭାବନୀୟ ଘଟଣା ଘଟିଛି ଯାଜପୁର ଜିଲ୍ଲା ବାଲିସାହିରେ । ବଡଭାଇକୁ ଟ୍ରକ ଚଢାଇ ମାରିଦେଲା ସାନ ଭାଇ । ସୂଚନା ଅନୁଯାୟୀ, ବାଲିସାହି ଗ୍ରାମର ଅକ୍ଷୟ ମଲ୍ଲିକ ଗତକାଲି ରାତିର ଘର ପାଖରେ ଏକ ପଡିଆରେ ବସିଥିବା ସମୟରେ ସାନଭାଇ ସୁଶାନ୍ତ ମଲ୍ଲିକ ଟ୍ରକ ଚଢାଇ ଦେଇଥିଲେ । ଯାହା ଫଳରେ ଅକ୍ଷୟଙ୍କୁ ଗୁରୁତର ଅବସ୍ଥାରେ ଧର୍ମଶାଳା ମେଡିକାଲରେ ଭର୍ତ୍ତି କରାଯାଇଥିଲା।
ସେଠାରେ ଅକ୍ଷୟଙ୍କର ମୃତ୍ୟୁ ହୋଇଛି । ତେବେ ଦୀର୍ଘ ଦିନ ଧରି ଅକ୍ଷୟ ମଲ୍ଲିକ ଓ ସାନଭାଇ ସୁଶାନ୍ତ ମଲ୍ଲିକ ଙ୍କ ମଧ୍ୟରେ ପାରିବାରିବ ବିବାଦ ଲାଗି ରହିଥିଲା ଯାହାର ପାଇଁ ଗତକାଲି ଏହାର କରୁଣ ପରିଣତି ଦେଖିବାକୁ ମିଳିଛି । ଘଟଣା ସ୍ଥଳରେ ଜେନାପୁର ପୋଲିସ ପହଁଚି ସାନ ଭାଇ କୁ ଥାନା ରେ ଅଟକ ରଖିଥିବା ବେଳେ ଟ୍ରକ କୁ ଜବତ ରଖିବା ସହ ଘଟଣାର ତଦନ୍ତ ପ୍ରକି୍ରୟା ଜାରୀ କରିଛି । ।
