ନୂଆଦିଲ୍ଲୀ : ପଦାରେ ପଡିଲା ଡୋନାଲ୍ଡ ଟ୍ରମ୍ପ ଓ ଏଲନ ମସ୍କଙ୍କ କଳି । କଡା ଶବ୍ଦରେ ଦୁହେଁ ଦୁହିଁଙ୍କୁ ସମାଲୋଚନା । ଟ୍ରମ୍ପ ପ୍ରଶାସନର ନୀତିକୁ ଏଲନ ମସ୍କଙ୍କ ତୀବ୍ର ନିନ୍ଦା । ମସ୍କ ବହୁତ ନିରାଶ କରିଛନ୍ତି କହି ବର୍ଷିଲେ ଟ୍ରମ୍ପ । ମୋ ବିନା ଟ୍ରମ୍ପ ନିର୍ବାଚନ ଜିତି ପାରି ନ ଥାନ୍ତେ । ଦାୟିତ୍ୱରୁ ଓହରି କିଛି ଲୋକ ଶତ୍ରୁ ହୋଇଯାଆନ୍ତି । ସୂଚନାନୁଯାୟୀ, କିଛି ଦିନ ପୂର୍ବରୁ ଟିକସ ବିଲର ବିବାଦକୁ ନେଇ ଏଲନ ମସ୍କଙ୍କୁ ଏପରି ଜବାବ୍ ଦେଇଛନ୍ତି ଟ୍ରମ୍ପ । ଟ୍ରମ୍ପ ସୋସିଆଲ ମିଡିଆରେ ଲେଖିଛନ୍ତି ଯେ, ଆମ ବଜେଟରୁ କୋଟି କୋଟି ଡଲାର ଟଙ୍କାର ସରକାରୀ ସବସିଡି ଏବଂ ଚୁକ୍ତିନାମାକୁ ବନ୍ଦ କରିଦେବା । ଯାହା ଅଯଥା ଖର୍ଚ୍ଚରୁ ବଞ୍ଚାବାର ସହଜ ଉପାୟ । ଏହା ପରେ ମସ୍କ ମଧ୍ୟ ଟ୍ରମ୍ପଙ୍କୁ କଡା ସମାଲୋଚନା କରିବାକୁ ଯାଇ ସ୍ପେସଏକ୍ସରେ କହିଛନ୍ତି ଯେ, ବର୍ତ୍ତମାନ ଏହାର ’ଡ୍ରାଗନ’ ଡିସମିସ୍ କରିବା ଆରମ୍ଭ କରିଦେବ । ଏହା ସହିତ ଟ୍ରମ୍ପଙ୍କର ଯାହା ଇଚ୍ଛା ହେଉ ମଧ୍ୟ କହିଛନ୍ତି ମସ୍କ । ଏହାରି ମଧ୍ୟରେ ୱାଲ ଷ୍ଟ୍ରିଟରେ ମସ୍କଙ୍କ କମ୍ପାନୀ ଟେସ୍ଲା ସେୟାରରେ ଉପରେ ଭାରି ପ୍ରଭାବ ପଡିଥିଲା । ଟେସ୍ଲା ସେୟାରରେ ୧୪.୩%ରେ କମ୍ପାନୀ ହ୍ରାସ ପାଇଥିଲାବେଳେ ମାର୍କେଟରେ ୧୫୦ ବିଲିୟନ ଡଲାରର ଝଟକା ଲାଗିଥିଲା । ଯାହା ଟେସ୍ଲାର ସବୁଠାରୁ ବଡ କ୍ଷତିର ଏକ ଇତିହାସ । ଅନ୍ୟପଟେ ଟ୍ରମ୍ପଙ୍କ ୨୦୨୪ ନିର୍ବାଚନ ପାଇଁ ପ୍ରାୟ ୨୯୦ ମିଲିୟନ ଡଲାର ଖର୍ଚ୍ଚ କରି ତାଙ୍କ ପ୍ରଶାସନରେ ଏକ ଗୁରୁତ୍ୱପୂର୍ଣ୍ଣ ଉପଦେଷ୍ଟା ଭୂମିକା ଗ୍ରହଣ କରିଥିଲେ ମସ୍କ । ଏବେ ଟ୍ରମ୍ପଙ୍କ ନୀତି ଏବଂ ପ୍ରଶାସନ ନିଷ୍ପତ୍ତିକୁ ସାର୍ବଜନିକ ଭାବେ ସେ ସମାଲୋଚନା କରୁଛନ୍ତି ।
