ଭୁବନେଶ୍ୱର : ଦଳକୁ ଯୁବପିଢି ହିଁ ଆଗେଇ ନେବେ କହିଲେ ଦେବାଶିଷ ସାମନ୍ତରାୟ । ତାଙ୍କ କଟକ ଘରେ ଯୁବ ବିଜେଡି ନେତାଙ୍କ ମେଳି ନେଇ ଦେବାଶିଷଙ୍କ ପ୍ରତିକ୍ରିୟା । ଦଳକୁ ଏହି ଯୁବପିଢି ମାନେ ହିଁ ଆଗେଇ ନେବେ । ଏହି ମାନଙ୍କ ଉପରେ ଦଳ ନିର୍ଭର କରିବା କଥା । ଏହି ପିଢି ଦଳକୁ ଟେକ ଏଭର କଲେ ବିଜେଡି ଆଗକୁ ଆଗେଇବ । ନବୀନଙ୍କ ସ୍ୱପ୍ନ ସାକାର ପାଇଁ ଏମାନେ ହିଁ ମଙ୍ଗ ଧରିବେ । କାଲି ଦଳକୁ ଆସି ସର୍ବେସର୍ବା ହୋଇଯିବ ବୋଲି ଭାବିବା ଠିକ ନୁହେଁ । ଯୁବକ ମାନେ ଆଗେଇ ଆସିବା କଥା , ଦାୟିତ୍ୱ ନେବା କଥା । ଆଗାମୀ ପିଢି ସାମ୍ନାକୁ ଆସିବ , କେହି ଅଟକାଇ ପାରିବେନି । ନେତାଜୀ ଜୟନ୍ତୀ ଅବସରରେ ଛାତ୍ର ଯୁବ ବିଜେଡି ପକ୍ଷରୁ ମଶାଲ ଶୋଭାଯାତ୍ରା ଆୟୋଜନ ଓ ପରେ ପରେ ରାଜ୍ୟସଭା ସାଂସଦ ଦେବାଶିଷ ସାମନ୍ତରାୟଙ୍କ ରାଜାବଗିଚାସ୍ଥିତ ଘରେ ବିଧାୟକ ଓ ପୂର୍ବତନ ବିଧାୟକଙ୍କ ମେଳି ଘଟଣା ବିଜେଡି ରାଜନୀତିରେ ଚର୍ଚ୍ଚାର ବିଷୟ ହୋଇଛି। ଏହି କାର୍ୟ୍ୟକ୍ରମରେ ସହର ବାହାରର ବହୁ ନେତା ସାମିଲ ହୋଇଥିବା ବେଳେ ମେୟର ସୁବାସ ସିଂହ, ଚୌଦ୍ବାର-କଟକ ବିଧାୟକ ସୌଭିକ ବିଶ୍ବାଳ, ପୂର୍ବତନ ବିଧାୟକ ପ୍ରଭାତ ରଂଜନ ବିଶ୍ବାଳଙ୍କ ଭଳି ଅନେକ ଆଗଧାଡ଼ିର ନେତାଙ୍କୁ ଦେଖିବାକୁ ନ ମିଳିବା ଚର୍ଚ୍ଚାର କାରଣ ହୋଇଛି।
