ନୂଆଦିଲ୍ଲୀ : ଉତ୍ତର କୋରିଆରୁ ଏକ ଆଶ୍ଚର୍ୟ୍ୟଜନକ ଖବର ସାମ୍ନାକୁ ଆସିଛି । ଯାହା ସମସ୍ତଙ୍କୁ ଚକିତ କରିଛି । ବିଶେଷ କରି ସାଉଥ୍ କୋରିଆନ୍ ଡ୍ରାମା (କେ-ଡ୍ରାମା) ସେୟାର କରୁଥିବାରୁ ଲୋକଙ୍କୁ ମୃତ୍ୟୁଦଣ୍ଡ ଦିଆଯାଉଛି । ଶୁକ୍ରବାର ସଂଯୁକ୍ତ ରାଷ୍ଟ୍ରର ମାନବଧିକାରୀଙ୍କୁ ଦାବି କରିଛନ୍ତି । ବିଦେଶୀ ଟିଭି ଶୋ ସେୟାର କରିବା ଭଳି ଅପରାଧ ପାଇଁ ମୃତ୍ୟୁଦଣ୍ଡ ଦିଆଯାଉଛି । ନୂଆ ଆଇନ ଅନୁଯାୟୀ, ବିଦେଶୀ ଟିଭି ଧାରାବାହିକ ବିଶେଷକରି ଦକ୍ଷିଣ କୋରିଆର ଲୋକପ୍ରିୟ ଟିଭି ଶୋ’ ସେୟାର କରିବା ପାଇଁ କିଛି ଲୋକଙ୍କୁ ମୃତ୍ୟୁଦଣ୍ଡ ଦିଆଯାଇଛି । ଯେତେବେଳେ ବିଶ୍ୱର ଅନ୍ୟ ଦେଶ Netflix, Disney+ ଏବଂ YouTube ଫିଲ୍ମ ଦେଖନ୍ତି ସେତେବେଳେ ଉତ୍ତର କୋରିଆରେ ଏମିତି କିଛି କରିବା ଜୀବନ ପାଇଁ ସବୁଠାରୁ ବଡ଼ ବିପଦ ପାଲଟିଛି । ଯେଉଁମାନେ ଏହି ଧାରାବାହିକଗୁଡ଼ିକୁ ସେମାନଙ୍କ ପଡ଼ୋଶୀ କିମ୍ବା ବନ୍ଧୁମାନଙ୍କ ସହିତ ସେୟାର କରନ୍ତି ସେମାନଙ୍କୁ ‘ଅପରାଧୀ’ ଘୋଷଣା କରାଯାଇ ମୃତ୍ୟୁଦଣ୍ଡ ଦିଆଯାଇଥିଲା । ଯାହାର ମୃତ୍ୟୁଦଣ୍ଡ ସଂଖ୍ୟା କୋଭିଡ୍- ୧୯ ପରଠାରୁ ବଢିବାରେ ଲାଗିଛି ।
