ଭୁବନେଶ୍ୱର : ଅଙ୍ଗନବାଡି କର୍ମୀଙ୍କୁ ଆର୍ଥିକ ଶୋଷଣ ବନ୍ଦ ଓ ଅନାବଶ୍ୟକ କାର୍ଯ୍ୟଭାର ପ୍ରତ୍ୟାହାର କରିବାକୁ ନେଇ ଦାବି । ଭତ୍ତା ବୃଦ୍ଧି ସହ ପ୍ରତିଶ୍ରୁତି ପୂରଣ ନ ହେଲେ ଆଗାମୀ ୧୯ ତାରିଖରେ ବିଧାନସଭା ଘେରାଉ କରିବେ ଅଙ୍ଗନବାଡି କର୍ମୀ । ଏ ନେଇ ଏଆଇଟିୟୁସି ରାଜ୍ୟ କାର୍ଯ୍ୟାଳୟରେ ଆୟୋଜିତ ସାମ୍ବାଦିକ ସମ୍ମିଳନୀରେ ମୋର୍ଚ୍ଛ ପକ୍ଷରୁ ଏହି ସୂଚନା ମିଳିଛି । ସରକାର ଆପରେ ବିଭିନ୍ନ ଭିଡିଓ ସମ୍ବଳିତ ତଥ୍ୟ ତଥା ଅଙ୍ଗନବାଡି କେନ୍ଦ୍ର ଫଟୋ କ୍ୟାସନ ସହ ଛତୁଆ ଅଣ୍ଡା ପ୍ରଦାନ ବେଳର ଫଟୋ ଅପଲୋଡ କରିବା ଅତ୍ୟାଦି କାର୍ଯ୍ୟ ଭାର ଲଦିଛନ୍ତି । ୨୦୧୯ ମସିହାରୁ ପ୍ରଦାନ କରାଯାଇଥିବା ସରକାରଙ୍କ ପକ୍ଷରୁ ମୋବାଇଲ ଏବେ ବ୍ୟବହାର ଉପ ଯୋଗୀ ନୁହେଁ । ଏପରିକି ଅନେକ ଗ୍ରାମରେ ଏବେ ନେଟବ୍ୱର୍କ ବି ନାହିଁ । ତେଣୁ ସେହି ଅଞ୍ଚଳରେ ଅନଲାଇନ ଡାଟା ଅପଲୋଡ କରିବା ସମ୍ଭବ ନୁହେଁ । ବାର୍ଷିକ ରିଚାର୍ଜ ବାବଦରେ ୧ ହଜାର ଟଙ୍କା ମିଳୁଥିବା ବେଳେ ଦୈନିକ ଦୁଇ ଜିବି ହାରରେ ଡାଟା ସହ ଭଏସ କଲ ପାଇଁ ବର୍ଷକ ୪୩୫୭ ଟଙ୍କାରୁ ଅଧିକ ଖର୍ଚ୍ଚ କରିବାକୁ ପଡୁଛି । ତେଣୁ ଏ ନେଇ ୫ଜି ମୋବାଇଲ ସହ ଅଧିକ ଅର୍ଥ ପ୍ରଦାନ କରିବାକୁ ଦାବି ହୋଇଛି । ଏହା ସହ ଗତ ନିର୍ବାଚନରେ ଦେଇଥିବା ପ୍ରତିଶ୍ରୁତି ପୂରଣ କରିବାକୁ ଦାବି ହୋଇଛି ।
