ଭୁବନେଶ୍ୱର : ବିବାଦୀୟ ବୈକୁଣ୍ଠ ଧାମରେ ଚାଲିବ ବୁଲଡୋଜର । ମାଟିରେ ମିଶିବ ଆଶ୍ରମ । କାଲି ସରିଥିଲା ମାପଚୁପ । ଆତ୍ମଘୋଷିତ ବାବା କାଷୀ ବୈକୁଣ୍ଠଧାମ ଆସ୍ରମ ସରକାରୀ ଜମିରେ ନିର୍ମାଣ ହୋଇଥିବା ଜମିରେ ନିର୍ମାଣ ହୋଇଥିବା ଜାଣିବାକୁ ପାଇଛି ସାଧାରଣ ପ୍ରଶାସନ । ଖୋର୍ଦ୍ଧା ଜିଲ୍ଲାପାଳଙ୍କ ନିର୍ଦେଶପରେ ଆଶ୍ରମ ଓ ଏହାର ଚାରିପାଖରେ ହୋଇଥିଲା ମାପଚୁପ । ଜିଏ, ବିଡିଏ ଓ ତହସିଲଦାର ଅଧିକାରୀ ମାନେ କରିଥିଲେ ମାପଚୁପ । ୮ କୋଟି ଟଙ୍କା ମୂଲ୍ୟରେ ଜମିରେ ଗଢାଯାଇଥିଲା ବେଆଇନ ମଣ୍ଡପ କୋଠା ଆଉ ରୋଷଶାଳା ।
ସେପଟେ ଆଶ୍ରମରେ ଚାଲିଥିଲା ପଲଙ୍କ ସେବା । ବୈକୁଣ୍ଠ ଧାମ ଆଶ୍ରମର ଆଉ ଏକ ଘର ଠାବ ହୋଇଛି । ଏହି ଘରେ ବିଦେଶୀ ଭକ୍ତ ରହୁଥିବା ଖବର ମିଳିଛି । ଆଖପାଖ ଅଞ୍ଚଳରେ ରହୁଥିବା ଲୋକଙ୍କୁ ଆଶ୍ରମ ଭିତରକୁ ପ୍ରବେଶ ମନା ଥିଲା । କିନ୍ତୁ ବାହାରୁ ଆସୁଥିବା ଭକ୍ତଙ୍କ ପାଇଁ ଏହି ଘରେ କରାଯାଇଥିଲା ସ୍ୱତନ୍ତ୍ର ବ୍ୟବସ୍ଥା । ବିବାଦ ତେଜିବା ପରେ ଭଗବାନ କୁଆଡେ ଗାୟବ ହୋଇ ଯାଇଛନ୍ତି । ତେବେ ଖୁବଶୀଘ୍ର କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି ଜିଲ୍ଲାପାଳ ।
