ଭୁବନେଶ୍ୱର: ପୂର୍ବତନ ମନ୍ତ୍ରୀ ତଥା ନୂଆପଡ଼ା ଜିଲ୍ଲାର ବରିଷ୍ଠ ନେତା ବୁର୍ଯ୍ୟୋଧନ ମାଝୀଙ୍କ ଦେହାନ୍ତ ହୋଇଛି । ସେ ଖଡ଼ିଆଳ ନିର୍ବାଚନ ମଣ୍ଡଳିର ପୂର୍ବତନ ବିଧାୟକ ମଧ୍ୟ ଥିଲେ । ଭୁବନେଶ୍ୱରସ୍ଥିତ ସାରକାରୀ ବାସଭବନରେ ତାଙ୍କର ଦେହାନ୍ତ ହୋଇଥିବା ଜଣାପଡ଼ିଛି । ମୃତ୍ୟୁ ବେଳକୁ ତାଙ୍କୁ ୮୪ ବୟସ ହୋଇଥିଲା । ସେ ଖଡ଼ିଆଳ ନିର୍ବାଚନ ମଣ୍ଡଳୀରୁ ଲଗାତାର ୫ ଥର ବିଧାନସଭାକୁ ନିର୍ବାଚିତ ହୋଇଥିଲେ । ରାତିରେ ଶୋିଥିବାଅବସ୍ଥାରେ ତାଙ୍କର ଅକାଳ ବିୟୋଗ ହୋଇଥିବା ସୂଚନା ଦେଇଛନ୍ତି ତାଙ୍କ ପୁଅ କୃଷ୍ଣସିଂହ ମାଝୀ ।
ସ୍ୱର୍ଗତଃ ଦୁର୍ଯ୍ୟୋଧନ ମାଝୀ ୧୯୯୦ରୁ ୨୦୧୯ ଯାଏ ବିଧାୟକ ରହିଥିଲେ । ସେ ୧୯୯୦ରେ ପ୍ରଥମେ ବିଜୁ ପଟ୍ଟନାୟକଙ୍କ ନେତୃତ୍ୱାଧିନ ଜନତା ଦଳରୁ ବିଧାନସଭାକୁ ଆସିଥିଲେ । ୧୯୯୫ ରେ ପୁଣି ଥରେ ଖଡ଼ିଆଳରୁ ଜନତା ଦଳ ଟିକେଟରରେ ନିର୍ବାଚିତ ହୋଇଥିଲେ । ପରେ ପୁଣି ବିଜୁ ଜନତା ଦଳରେ ଯୋଗ ଦେଇ ୨୦୦୦ରୁ ୨୦୧୪ ଯାଏ ବିଧାୟକ ରହିଥିଲେ । ଏହି ସମୟରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନେତୃତ୍ୱାଧୀନ ସରକାରରେ ସେ ୨୦୦୦ରୁ ୨୦୦୬ ମଧ୍ୟରେ ଦୁଇ ଥର ମନ୍ତ୍ରୀ ପଦନରେ ମଧ୍ୟ ରହିଥିଲେ । ତେବେ ସ୍ୱର୍ଗତଃ ମାଝୀ ୨୦୧୪ ରେ ବିଜୁ ଜନତା ଦଳରୁ ଇସ୍ତଫା ଦେଇ ଭାରତୀୟ ଜନତା ପାର୍ଟିରେ ସାମିଲ ହୋଇଥିଲେ । ଏବଂ ସେହି ବର୍ଷ ବିଜେପି ପକ୍ଷରୁ ବିଧାନସଭା ନିର୍ବାଚନ ଲଢ଼ି ବିଧାୟକଭାବେ ନିର୍ବାଚିତ ମଧ୍ୟ ହୋଇଥଇଲେ । ୨୦୧୯ ସାଧାରଣ ନିର୍ବାଚନରେ ବିଜେପିରୁ ତାଙ୍କୁ ଦଳୀୟ ଟିକେଟ ନମିଳିବାରୁ ସେ ଦଳରୁ ଇସ୍ତଫା ସେଇ ପୁଣି ବଜେଡି ଦଳରେ ସାମିଲ ହେଇଥିଲେ । ଆଜି ତାଙ୍କର ଏହି ଅକାଳ ବିୟୋଗରେ ଜଣେ ବରିଷ୍ଠ ନେତାଙ୍କୁ ହରାଇଛନ୍ତି ନୂଆପଡ଼ାବାସୀ ।
