ବାରିପଦା : ଶିମିିଳିପାଳରେ ପୋଷା ହାତୀ “ମହେନ୍ଦ୍ର”ର ମୃତ୍ୟୁ । ୬୬ ବର୍ଷ ବୟସରେ ଚହଲାରେ “ମହେନ୍ଦ୍ର”ର ମୃତ୍ୟୁ । ଦୀର୍ଘ ଦିନ ହେବ ଅସୁସ୍ଥ ମହେନ୍ଦ୍ରର ଚିକିତ୍ସା ଚାଲିଥିଲା । ୨୦୦୧ ମସିହାରେ ମହାରାଷ୍ଟ୍ରରୁ ଶିମିଳିପାଳ ଅଭୟାରଣ୍ୟକୁ ଆସିଥିଲା ।ସେବେଠୁ ଶିମିଳିପାଳରେ ତାକୁ ପ୍ରଶିକ୍ଷଣ ଦିଅଯିବା ସହ ବିଭିନ୍ନ କାର୍ୟ୍ୟରେ ନିୟୋଜିତ କରାଯାଇଥିଲା । ଶିମିଳିପାଳର ଆଖପାଖ ଅଞ୍ଚଳକୁ ହାତୀ ପଲ ପଶି ଆସିଲେ ସେମାନଙ୍କୁ ଘଉଡ଼ାଇବା ପାଇଁ “ମହେନ୍ଦ୍ର”କୁ ବ୍ୟବହାର କରାଯାଉଥିଲା । ଏଥିସହ ବାଘ ଟ୍ରାକିଂ ତଥା ଘଞ୍ଚ ଜଙ୍ଗଲକୁ ବନ କର୍ମଚାରୀ ଯିବା ପାଇଁ ମଧ୍ୟ ମହେନ୍ଦ୍ରର ସହାୟତା ନିଆଯାଉଥିଲା । କିଛି ବର୍ଷ ପୂର୍ବେ ବାଘୁଣୀ ସୁନ୍ଦରୀ ଅନୁଗୋଳ ଜିଲ୍ଲାରେ କୋକୁଆ ଭୟ ସୃଷ୍ଟି କରିଥିଲା । ସୁନ୍ଦରୀ ଉପରେ ତୀକ୍ଷଣ ନଜର ରଖିବା ତଥା ତାହାକୁ ଟ୍ରାକିଂ କରିବା ପାଇଁ ‘ମହେନ୍ଦ୍ର”କୁ ୪ ବର୍ଷ ଅନୁଗୋଳ ଜିଲ୍ଲାରେ ନିୟୋଜିତ କରାଯାଇଥିଲା। ଏହାପରେ ସେଠାରୁ ତାକୁ ପୁଣି ଥରେ ଶିମିଳିପାଳକୁ ଫେରାଇ ଅଣାଯାଇଥିଲା । ସେବେଠୁ ସେ ଶିମିଳିପାଳରେ ଥିଲା ।
