ନୂଆଦିଲ୍ଲୀ: କୌଶଲ୍ୟ ଓ କ୍ୟାଟ୍ରିନା କୈଫଙ୍କ ବିବାହ ନେଇ ବଲିଉଡରେ ଚର୍ଚ୍ଚାର ବିଷୟ ପାଲଟିଛି । ତେବେ ଏହି ଦିନ ଯେତିକି ପାଖେଇ ଆସୁଛି ଫ୍ୟାନ୍ସଙ୍କ ମନରେ ସେତେ ଉତ୍କଣ୍ଠା ଦେଖିବାକୁ ମିଳିଛି ଯେ, କେବେ ଏହି ଦୁଇ ପ୍ରେମୀଯୁଗଳ ବିବାହ ଭଳି ପବିତ୍ର ବନ୍ଧନରେ ଆବଦ୍ଧ ହେବେ । ତେବେ ସେହି ଦିନ ଖୁବ ଶୀଘ୍ର ପାଖେଇ ଆସୁଛି ଆଉ କେଇଟା ଦିନରେ ଭିକି କୌଶଲ୍ୟ ଓ କ୍ୟାଟ୍ରିନା କୈଫ ଏକାଠି ହୋଇଯିବେ । ଏଥିପାଇଁ ବିଭିନ୍ନ ପ୍ରସ୍ତୁତି ମଧ୍ୟ ସରିଆସିଲାଣି । ଏମିତିକି କେଉଁ କେଉଁ ଅତିଥି ଭିକି କୌଶଲ୍ୟ ଓ କ୍ୟାଟ୍ରିନା କୈଫ ବିବାହରେ ନିମନ୍ତ୍ରିତ ହୋଇ ଆସିବେ ତାହାର ତାଲିକା ମଧ୍ୟ ପ୍ରସ୍ତୁତ ହୋଇସାରିଲାଣି ।
ସୂଚନା ଅନୁଯାୟୀ, କ୍ୟାଟ୍ରିନାଙ୍କ ଭାଇ ମଧ୍ୟ ରାଜସ୍ଥାନରୁ ଆସିସାରିଲେଣି । ଭିକି କୌଶଲ୍ୟ ଓ କ୍ୟାଟ୍ରିନାଙ୍କ ବିବାହରେ ଅନେକ ନିୟମ ରଖାଯାଇଛି ।
ମିଳିଥିବା ସୂଚନା ଅନୁଯାୟୀ ଭିକି-କ୍ୟାଟ୍ରିନାଙ୍କ ବିବାହରେ ଡ୍ୟାନ୍ସ ପରଫର୍ମ କରି ଜଲୱା ଦେଖେଇବେ ନେହା କକ୍କଡ଼ ଓ ତାଙ୍କ ସ୍ୱାମୀ ରୋହନପ୍ରିତ ସିଂ । ତେବେ ଦେଖିବାକୁ ବାକି ରହିଲା ଭିକି-କ୍ୟାଟ୍ରିନାଙ୍କ ବିବାହ କେବେ ହେଉଛି ଆଉ କେଉଁ କେଉଁ ସେଲିବ୍ରିଟି ମାନେ କିଭଳି ତାଙ୍କ ଡାନ୍ସ ପରଫର୍ମ ଦେଖେଇ ଭିକି-କ୍ୟାଟ୍ରିନାଙ୍କ ବିବାହରେ ମୁଖ୍ୟ ଆକର୍ଷଣ ହେଉଛନ୍ତି ।
