କଟକ: ହାଇକୋର୍ଟର ଦ୍ୱାରସ୍ତ ହେଲେ କେନ୍ଦ୍ରମନ୍ତ୍ରୀ ବିଶ୍ୱେଶ୍ୱର ଟୁଡୁ । ଗିରଫ ହେବା ଭୟରେ ଆଗୁଆ ଜାମିନ ପାଇଁ ହାଇକୋର୍ଟର ଦ୍ୱାରସ୍ତ ହୋଇଛନ୍ତି ବିଜେପି ବରିଷ୍ଠ ନେତା ବିଶ୍ୱେଶ୍ୱର ଟୁଡୁ ।
ସୂଚନାନୁଯାୟୀ, ମୟୁରଭଞ୍ଜ ଜିଲ୍ଲା ସ୍ଥିତ ଦଳୀୟ କାର୍ଯ୍ୟାଳୟରେ ଦୁଇ ସରକାରୀ କର୍ମଚାରୀଙ୍କୁ ଗାଳିଗୁଲଜ ସହିତ ମାଡ଼ ମାରିଥିବା ଅଭିଯୋଗ ହୋଇଥିଲା । ଏ ନେଇ ଗତ ଜାନୁଆରୀ ମାସରେ ବାରିପଦା ଟାଉନ ଥାନାରେ ହୋଇଥିଲା ଏତଲା । ତେବେ ଜିଲ୍ଲା କାର୍ଯ୍ୟାଳୟରେ ଜିଲ୍ଲା ଯୋଜନା ପର୍ଯ୍ୟବେକ୍ଷଣ ବିଭାଗର ଉପ ନିର୍ଦ୍ଦେଶକ ଅଶ୍ୱିନି କୁମାର ମଲ୍ଲିକ ଓ ସହକାରୀ ନିର୍ଦ୍ଦେଶକଙ୍କୁ ଟୁଡୁ ଅସ୍ରାଭ୍ୟ ଭାଷାରେ ଗାଳିଗୁଲଜ କରିଥିଲେ । ଏଥି ସହ ପ୍ଲାଷ୍ଟକ ଚେୟାରରେ ପିଟି ହାତ ଭାଙ୍ଗିଦେଇଥିଲେ । ତେଣୁ ଏ ନେଇ ବାରିପଦା ଟାଉନ ଥାନାରେ ଅଭିଯୋଗ ହୋଇଥିଲା । ଏତଲା ପରେ ପୋଲିସ୍ ଏହି ମାମଲାରେ ତଦନ୍ତ ଜାରି ରଖିଛି । ତେଣୁ ଗିରଫ ହେବା ଭୟରେ ମନ୍ତ୍ରୀ ଶ୍ରୀ ଟୁଡୁ ଆଗୁଆ ଜାମିନ ଆବେଦନ ପାଇଁ ହାଇକୋର୍ଟର ଦ୍ୱାରସ୍ତ ହୋଇଛନ୍ତି ।
