ଭୁବନେଶ୍ୱର : ଗତକାଲି ରାଜ୍ୟର ବିଭିନ୍ନ ସ୍ଥାନରେ ପାଗ ମେଘୁଆ ଥିବା ବେଳେ କିଛି ସ୍ଥାନରେ କୁଆପଥର ବର୍ଷା ହୋଇଥିଲା । ତେବେ ଗତ ୬ ଦିନ ଧରି ରାଜ୍ୟରେ ପାଗ ମେଘୁଆ ଥିବା ବେଳେ ବିଜୁଳି , ଘଡଘଡି ସହ ବର୍ଷା ଜାରି ରହିଥିଲା । ଆଜିଠୁ ରାଜ୍ୟରେ ବର୍ଷା କମିବା ସହ ପାଗ ଶୁଖିବ ଓ ଖରା ହେବ ବୋଲି ଆଂଚଳିକ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ସୂଚନା ମିଳିଛି । ପାଣିପାଗ କେନ୍ଗ୍ରର ସୂଚନା ମୁତାବକ , ଆଜି ମୟୁରଭଂଜ, କେନ୍ଦୁଝର, ବାଲେଶ୍ୱର , ଭଦ୍ରକ , ଢେଙ୍କାନାଳ ,ଜଗତସିଂହପୁର , କଟକ, ଖୋର୍ଦ୍ଧା , ପୁରୀ , ନୟାଗଡ , କନ୍ଧମାଳ , ଗଂଜାମ , ଗଜପତି , ନବରଙ୍ଗପୁର , କଳାହାଣ୍ଡି ଓ କୋରାପୁଟର କେତେକ ସ୍ଥାନରେ ମଧ୍ୟମ ଧରଣର ବର୍ଷା ହୋଇପାରେ । ତେବେ ଆସନ୍ତା ୨୪ ଘଣ୍ଟାରେ ତାପମାତ୍ରାରେ କୈାଣସି ପରିବର୍ତ୍ତନର ସମ୍ଭାବନା ନାହିଁ । ଏହା ପରେ ରାଜ୍ୟରେ ଖରା ବଢିବା ସହ ଗରମ ବଢିବ । ୨୪ ଘଣ୍ଟା ପରେ ରାଜ୍ୟର ତାପମାତ୍ରା ଧୀରେ ଧୀରେ ୩-୪ ଡିଗ୍ରୀ ବଢିବ । ଆକାଶ ଆଂଶିକ ମେଘୁଆ ରହିବ ଓ ଅପରାହ୍ନ ଆଡକୁ ବର୍ଷା ହୋଇପାରେ ।
