ବ୍ୟୁରୋ ୨ା୮: ନିପାତ ହୋଇଛି ପ୍ରଖ୍ୟାତ ଆତଙ୍କବାଦୀ ସଂଗଠନ ଅଲକାଏଦାର ମୁଖିଆ ଅଲ୍ ଜୱାହିର୍ ।ଆମେରିକାର ଡ୍ରୋନ ଆକ୍ରମଣରେ ପ୍ରାଣ ହରାଇଛି ଏହି କୁଖ୍ୟାତ ଆତଙ୍କବାଦୀ । ଆମେରିକାର ଗୁଇନ୍ଦା ସଂସ୍ଥା ସିଆଇଏର ଏୟାର ଷ୍ଟ୍ରାଇକ୍ରେ ନିପାତ ହୋଇଥିବା ସୂଚନା ଦେଇଛନ୍ତି ଆମେରିକାର ରାଷ୍ଟ୍ରପତି ଜୋ ବାଇଡେନ୍ । ୯-୧୧ ଆକ୍ରମଣରେ ସାମିଲ ଥିଲା ଏହି କୁଖ୍ୟାତ ଆତଙ୍କବାଦୀ । ଯେଉଁ ଆକ୍ରମଣରେ ପ୍ରାଣ ହରାଇଥିଲେ ୨୯୭୭ ଜଣ ।
ଜୱାହିର୍ ଉପରେ ୨୫ ମିଲିୟନ ଡଲାରର ପୁରସ୍କାର ରାଶି ମଧ୍ୟ ଘୋଷଣା ରହିଥିଲା । ତେବେ ସେ କାବୁଲର ଏକ ଘରେ ଲୁଚିଥିବା ବେଳେ ତାଲିବାନ ସରକାର ଏହି ଖବର ଦେଇଥିବା ଆମେରିକାର ଜଣେ ଅଧିକାରୀ କହିଛନ୍ତି । ସେ ଯେଉଁଠି ଲୁଚିଥିଲା ସେଠାରେ ତାଲିବାନ ନେତା ସିରାଜଉଦ୍ଦିନ୍ ହକ୍କାନୀର ଘର ବି ରହିଥିଲା । ଯାହା ଆମେରିକା ଦୂତାବାସ ନିକଟରୁ ଏହା ବିଶେ ଦୂରତା ନଥିଲା । ସିଏନ୍ଏ୍ନ୍ର ରିପୋର୍ଟ ଅନୁଯାୟୀ ଜୋ ବାଇଡେନ ଜୱାହିର୍କୁ ନିପାତ କରିବାକୁ ଦେଇଥିଲେ ନିର୍ଦ୍ଦେଶ ।
ଯାହା ଫଳରେ ଏନେଇ ଏକ ଗୁପ୍ତ ବୈଠକ ଓ ବଡ ଯୋଜନା କରାଯାଇଥିଲା । ଆମେରିକାର ଗୁଇନ୍ଦା ସଂସ୍ଥା ଏହାକୁ ନେଇ ଦୀର୍ଘ ଦିନ ଧରି କାର୍ଯ୍ୟ କରି ଆସୁଥିଲା । ଜୱାହିର୍ ଯେଉଁ ଘରେ ଲୁଚିଥିଲା ସେହି ଘରର ନକ୍ସା ମଡେଲ ପ୍ରସ୍ତୁତ ହେବା ପରେ କରାଯାଇଥିଲା ଡ୍ରୋନ୍ ଆକ୍ରମଣ । ଏହି ଆକ୍ରମଣରେ ଯେମିତି ସାଧାରଣ ଲୋକେ କ୍ଷତି ନହୁଅନ୍ତି ଏନେଇ ରହିଥିଲା ବାଇଡେନଙ୍କ କଡା ନିର୍ଦ୍ଦେଶ । ଆକ୍ରମଣ ପୂର୍ବରୁ ତାର ପତ୍ନୀ ଝିଅ ଓ ପରିବାରକୁ ଚିହ୍ନଟ କରିବା ସହ ଆମେରିକାର ଅଧିକାରୀ ତାର ଗତିବିଧି ଉପରେ ରଖିଥିଲେ କଡା ନଜର ।
ଏପରି ଯୋଜନା ପ୍ରସ୍ତୁତ ହୋଇଥିଲା କି ଯେପରି କୌଣସି ଘର କିମ୍ବା ବିଲ୍ଡିଂ କ୍ଷତି ନହେବ । ସହର ମଧ୍ୟରେ ତାର ଘର ଥିବାରୁ ଆମେରିକା ପାଇଁ ଏହା ମଧ୍ୟ ଏକ ବଡ ଚ୍ୟାଲେଞ୍ଜ ଥିଲା । ଶେଷରେ ଗତ ଶନିବାର ଦିନ ହେଲ୍ପ ଫେୟାର ମିଶାଇଲ ମାଡ କରିଥିଲା ଆମେରିକା । ଯାହାକି ଏହାକୁ ତାର ଘର ବାରଣ୍ଡାକୁ କରାଯାଇଥିଲା ମାଡ । ଯେଉଁଥିଲେ ଜୱାହିର୍ର ନିପାତ ହୋଇଥିଲା ଓ ତାର ପରିବାରକୁ କୌଣସି କ୍ଷତି ପହଂଚି ନଥିବା ଆମେରିକାର ଗୁଇନ୍ଦା ସଂସ୍ଥା ସୂଚନା ଦେଇଥିଲା ।
ବ୍ୟୁରୋ ରିପୋର୍ଟ ଶପଥ ନ୍ୟୁଜ୍ ।
