ରଣବୀର କପୁର ଏବଂ ଆଲିୟା ଭଟ୍ଟଙ୍କ ବିବାହ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଥିବା ବେଳେ ସେମାନଙ୍କର ଆଗାମୀ ଚଳଚ୍ଚିତ୍ର ବ୍ରହ୍ମାସ୍ତ୍ରର ପୋଷ୍ଟର ଫ୍ୟାନମାନଙ୍କୁ ବେଶ୍ ପସନ୍ଦ ଆସିଛି । ପୋଷ୍ଟରରେ ଉଭୟଙ୍କୁ ରୋମାଣ୍ଟିକ ପୋଜ୍ରେ ଦେଖିବାକୁ ମିଳିଛି । ଫିଲ୍ମ ନିର୍ଦ୍ଦେଶକ ଅୟାନ ମୁଖାର୍ଜୀ ତାଙ୍କର ଇନ୍ଷ୍ଟାଗ୍ରାମ ଆକାଉଣ୍ଟରେ ଏହି ପୋଷ୍ଟର ସେୟାର କରିଛନ୍ତି । ପୋଷ୍ଟ କରିବାର କିଛି ସମୟ ମଧ୍ୟରେ ଏହା ଭାଇରାଲ ହୋଇଯାଇଥିଲା । ପୋଷ୍ଟରେ ଅୟାନ ଲେଖିଥିଲେ, ବ୍ରହ୍ମାସ୍ତ୍ରର ଲଭ ପୋଷ୍ଟରକୁ ସେୟାର କରିବା ପାଇଁ ଏହା ହିଁ ଠିକ୍ ସମୟ। କାହିଁକି ନା, ଏବେ ପବନରେ କିଛି ଅଧିକ ପ୍ରେମ ଭରିରହିଛି ।
ସୂଚନାଥାଉକି, ଆସନ୍ତା ସେପ୍ଟେମ୍ବର ୯ରେ ଫିଲ୍ମଟି ରିଲିଜ୍ ହେବ । ହିନ୍ଦୀ, ତେଲୁଗୁ, ତାମିଲ, କନ୍ନଡ ଏବଂ ମଲୟାଲମ ଭାଷାରେ ଫିଲ୍ମ ପ୍ରଦର୍ଶିତ ହେବ । ରଣବୀର, ଆଲିୟାଙ୍କ ସହ ଅମିତାଭ ବଚ୍ଚନ, ମୌନୀ ରୟ ମଧ୍ୟ ଫିଲ୍ମରେ ପ୍ରମୁଖ ଭୂମିକାରେ ନଜର ଆସିବେ ।
