ନୂଆଦିଲ୍ଲୀ : ପିଓକେ ପ୍ରସଙ୍ଗ ଉଠାଇ ପୂର୍ବତନ ପ୍ରଧାନମନ୍ତ୍ରୀ ନେହେରୁଙ୍କୁ ସମାଲୋଚନା କଲେ ଶାହା । ନେହେରୁଙ୍କ ତ୍ରୁଟି ପାଇଁ ପିଓକେ ସୃଷ୍ଟି ହୋଇଛି । ନେହେରୁଙ୍କ ଏକପାଖିଆ ଯୁଦ୍ଧ ବିରତି ଘୋଷଣା ଯୋଗୁଁ ପିଓକେର ସୃଷ୍ଟି । ସେତେବେଳେ ତତକାଳୀନ ସ୍ୱରାଷ୍ଟ୍ର ମନ୍ତ୍ରୀ ସର୍ଦ୍ଦାର ପଟେଲ ବିରୋଧ କରିଥିଲେ । ଆଉ ୧୯୭୧ରେ ସିମଳା ରାଜିନାମା ବେଳେ କଂଗ୍ରେସ ପିଓକେ କଥା ଭୁଲିଗଲା । ଯଦି ସେତେବେଳେ ପିଓକେକୁ ଆଣି ପାରିଥାନ୍ତା । ଆଜି ଆଟାକ ଦରକାର ପଡି ନ ଥାନ୍ତା । ଦେଶ ବିଭାଜନ ପ୍ରସ୍ତାବକୁ କଂଗ୍ରେସ ସ୍ୱୀକାର କରିବା କଂଗ୍ରେସର ବଡ ଭୁଲ ଥିଲା ।
ଅପରେସନ ସିନ୍ଦୂର ବିତର୍କରେ କଂଗ୍ରେସକୁ ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହଙ୍କ ଟାର୍ଗେଟ । ପୂର୍ବତନ ଗୃହମନ୍ତ୍ରୀ ପି. ଚିଦାମ୍ବରମଙ୍କ ନାଁ ନେଇ କଂଗ୍ରେସକୁ ସିଧା ଟାର୍ଗେଟ । ନିପାତ ୩ ଆତଙ୍କବାଦୀ ପାକିସ୍ତାନର ବୋଲି ଚିଦାମ୍ବରମ ପ୍ରମାଣ ମାଗିଛନ୍ତି । ପାକିସ୍ତାନ ଉପରେ କାହିଁକି ଆକ୍ରମଣ ବୋଲି ଚିଦାମ୍ବରମ ପଚାରିଥିବା କହିଲେ । ଏଥିରୁ ଜଣାପଡୁଛି ଚିଦାମ୍ବରମ ପାକିସ୍ତାନକୁ କ୍ଲିନଚିଟ ଦେବାକୁ ଚାହୁଁଛନ୍ତି । ସିନ୍ଧୁଜଳ ଚୁକ୍ତି ବାତିଲ ପ୍ରସଙ୍ଗ ଉଠାଇ କଂଗ୍ରେସକୁ ଟାର୍ଗେଟ କଲେ । ସିନ୍ଧୁ ଜଳ ଚୁକ୍ତିରେ ପାକିସ୍ତାନକୁ ୮୦ ପ୍ରତିଶତ ଜଳ ପ୍ରଦାନ ଥଲା କଂଗ୍ରେସର ନିଷ୍ପତ୍ତି ।
