ନୂଆଦିଲ୍ଲୀ : ପୁଣି ଭୂକମ୍ପରେ ଥରିଲା ମଣିପୁର । ଆଜି ମଣିପୁର ଚୁରାଚାନ୍ଦିପୁରରେ ୩.୫ ତୀବ୍ରତାରେ ଭୂକମ୍ପ ଅନୁଭୂତ ହୋଇଛି । ବର୍ଷା, ବନ୍ୟା ପରେ ଭୂକମ୍ପ ମଣିପୁରରେ ଭୟ ସୃଷ୍ଟି କରିଛି । ଯାହା ଫଳରେ ଲୋକ ଘରୁ ବାହାରକୁ ଦୌଡି ଆସିଥିଲେ । ଭୂକମ୍ପର କେନ୍ଦ୍ରସ୍ଥଳ ୧୫ କିଲୋମିଟର ଗଭୀରତାରେ ବୋଲି ଜଣାପଡିଛି ।
ସୂଚନାନୁଯାୟୀ, ଏପର୍ୟ୍ୟନ୍ତ କୌଣସି କ୍ଷୟକ୍ଷତିର ସୂଚନା ମିଳିପାରିନାହିଁ । ସୋମବାର ଭୂକମ୍ପ ହୋଇଥିବା ସୂଚନା ମିଳୁଛି । ରାତିରେ ଲୋକେ ଶୋଇଥିବାବେଳେ ବିଳମ୍ବିତ ରାତିରେ ଭୂକମ୍ପର ଝଟକା ଅନୁଭୂତ ହୋଇଥିଲା । ଭୂକମ୍ପର ଝଟକା ରାତି ପ୍ରାୟ ୨ଟା ୫୫ମିନିଟରେ ଅନୁଭୂତ ହୋଇଥିଲା । ଯାହା ପରେ ଲୋକଙ୍କ ନିଦ ଭାଙ୍ଗି ଯାଇଥିଲା ଏବଂ ଭୟରେ ଘରୁ ବାହାରି ଯାଇଥିଲେ ।
