ନୂଆଦିଲ୍ଲୀ : ଗଛମୂଳେ ବସି ସାବିତ୍ରୀ ବ୍ରତ କରୁଥିଲେ । ଆଉ ଏହି ସମୟରେ ହେଲା ମହୁମାଛିଙ୍କ ଆକ୍ରମଣ । ଉତ୍ତରପ୍ରଦେଶର ଇଟାୱାରେ ଏଭଳି ଏକ ଘଟଣା ସାମ୍ନାକୁ ଆସିଛି । ବଟ ସାବିତ୍ରୀ ପୂଜା ସମୟରେ ମହୁମାଛିଙ୍କ ଆକ୍ରମଣ ପରେ ମହିଳାମାନେ ଯୁଆଡେ ସିଆଡେ ଧାଇଁଥିଲେ । ଏହି ଘଟଣାରେ ୧୨ରୁ ଅଧିକ ମହିଳା ଆହତ ହୋଇଛନ୍ତି। ବର୍ତ୍ତମାନ ଆହତମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ଘଟଣାର ସିସିଟିଭି ଫୁଟେଜ୍ ମଧ୍ୟ ସାମ୍ନାକୁ ଆସିଛି। ସମ୍ପୂର୍ଣ୍ଣ ଘଟଣାଟି ପାଖରେ ଲାଗିଥିବା ସିସିଟିଭି କ୍ୟାମେରାରେ କଏଦ ହୋଇଛି। ମହୁମାଛି ଦଂଶନରେ ପ୍ରାୟ ୧୨ରୁ ଅଧିକ ଲୋକ ଆହତ ହୋଇଥିଲେ। ସମସ୍ତଙ୍କୁ ଜିଲ୍ଲା ଡାକ୍ତରଖାନାରେ ଭର୍ତ୍ତି କରାଯାଇଥିଲା, ଯେଉଁଠାରେ ସେମାନଙ୍କର ଚିକିତ୍ସା ଚାଲିଛି।
