ଭୁବନେଶ୍ୱର : ଲିଙ୍ଗରାଜ ମନ୍ଦିରରେ ଜାଗର ବିଭ୍ରାଟ ପରେ ରାଜ୍ୟ ସରକାରଙ୍କ ଉପରେ ବର୍ଷିଛନ୍ତି ବିଜେଡି ବିଧାୟକ ଅନନ୍ତ ନାରାୟଣ ଜେନା। ସେ କହିଛନ୍ତି, ନୂଆ ସରକାର ଆସିବା ଦିନରୁ ଅଘଟଣ ହିଁ ଅଘଟଣ ଘଟି ଚାଲିଛି। ମହାପ୍ରଭୁ ବଳଭଦ୍ର ପଡ଼ି ଗଲେ। ସେ ସମୟରେ ବଳଭଦ୍ର ସଜାଗ କରିଥିଲେ। ହେଲେ ସରକାର କି ପ୍ରଶାସନ ଚେତିଲେନି। ସରକାର ସବୁ ବିଭାଗ ଓ ନେତାଙ୍କୁ ନେଇ ସମୀକ୍ଷା କରିବା କଥା। ହେଲେ କରୁ ନାହାନ୍ତି। ଆମେ ବିରୋଧୀରେ ଥିବା ବିଧାୟକ ମାନଙ୍କୁ କୌଣସି କାର୍ୟ୍ୟକ୍ରମରେ ଡକା ଯାଉନି । ପୂର୍ବ ସରକାର ସମସ୍ତଙ୍କୁ ସମୀକ୍ଷା କରୁଥିଲା । ସମସ୍ତେ ମିଳିମିଶି କାମକୁ ସଫଳ କରିବାକୁ ଶପଥ ନେଉଥିଲ । ଗତକାଲି ସେବାୟତ ପଡିଲେ ଓ ଭିଡ଼ ବି ନିୟନ୍ତ୍ରଣ ହୋଇ ପାରିଲା ନାହିଁ । ମହାଦୀପ ଉଠିବା ପୂର୍ବରୁ ମନ୍ଦିର ଉପରେ ମାଳ ମାଳ ସେବାୟତ କଣ କରୁଥିଲେ? ଭିଆଇପି ପାସ ଦିଆଗଲା, ହେଲେ ଆମ ପରି ବିଧାୟକ ମାନଙ୍କୁ ନିମନ୍ତ୍ରଣ ନାହିଁ । ଠିକ ସମୟରେ ସରକାର ସଜାଗ ନ ହେଲେ ଆଗକୁ ଆହୁରି ଅଘଟଣ ଘଟି ପାରେ ବୋଲି କହିଛନ୍ତି ବିଧାୟକ ।
