ପ୍ରୟାଗରାଜ : ପ୍ରୟାଗରାଜରେ ଆୟୋଜିତ ହୋଇଥିବା ମହାକୁମ୍ଭ ରେ ପ୍ରତିଦିନ ପ୍ରତିଦିନ ବୁଡ଼ ପକାଉଛନ୍ତି ଲକ୍ଷ ଲକ୍ଷ ଶ୍ରଦ୍ଧାଳୁ ।ଏହାରି ମଧ୍ୟରେ ବଲିଉଡ଼ ସୁପରଷ୍ଟାର ଖିଲାଡ଼ି ବୟେ ଅକ୍ଷୟ କୁମାର ମହାକୁମ୍ଭରେ ପହଞ୍ଚି ସଙ୍ଗମରେ ବୁଡ଼ ପକାଇଛନ୍ତି । ଅକ୍ଷୟ କୁମାର ପ୍ରୟାଗରାଜରେ ପହଞ୍ଚିଛନ୍ତି ଏବଂ ମହାକୁମ୍ଭର ତାଙ୍କର କିଛି ଝଲକ ସାମ୍ନାକୁ ଆସିଛି। ଏହି ଭିଡିଓରେ, ଅକ୍ଷୟ ଏକ ବିଶାଳ ଭିଡ଼ ମଧ୍ୟରେ ଭକ୍ତିରେ ବୁଡ଼ି ରହିଥିବାର ଦେଖାଯାଉଛି। ସେହି ସମୟରେ, ତାଙ୍କ ଚାରିପାଖରେ କଡ଼ା ସୁରକ୍ଷା ବ୍ୟବସ୍ଥା ମଧ୍ୟ ଦୃଶ୍ୟମାନ ହେଉଛି। ଏହି ଭିଡିଓରେ ଅକ୍ଷୟ କୁମାର ପୂଜା କରୁଥିବାର ଦେଖାଯାଉଛି, ଯେଉଁଠାରେ ତାଙ୍କ ଚାରିପାଖରେ ଠିଆ ହୋଇଥିବା ଲୋକମାନେ ତାଙ୍କର ଏକ ଝଲକ ପାଇବାକୁ ଅପେକ୍ଷା କରିଥିବାର ଦେଖାଦେଇଛି। ଆପଣଙ୍କୁ କହିରଖୁଛୁ ଯେ ଆଜି, ୨୪ ଫେବୃଆରୀ, ମହାକୁମ୍ଭର ୪୩ତମ ଦିନ ଏବଂ ଏହା ଦୁଇ ଦିନ ପରେ ଶେଷ ହେବାକୁ ଯାଉଛି। ଗତ ଦୁଇ ଦିନ ମଧ୍ୟରେ ଏଠାରେ ଭିଡ଼ ବହୁତ ବଢ଼ିଯାଇଛି ଏବଂ କୋଟି କୋଟି ଲୋକ ପ୍ରୟାଗରାଜ ଆଡକୁ ଯାଉଛନ୍ତି।
