ନୟାଗଡ : ରାସ୍ତାକଡ ଦୋକାନକୁ ମାଡିଗଲା କାର । ୨ ଜଣଙ୍କର ଚାଲିଗଲା ଜୀବନ । ଇଟାମାଟି ଥାନା ଅଞ୍ଚଳରେ ମର୍ମନ୍ତୁଦ ଦୁର୍ଘଟଣା । କାରରେ ଥିବା ଜଣେ ବ୍ୟକ୍ତି ଓ ଜଣେ ପଥଚାରୀଙ୍କ ମୃତ୍ୟୁ । କାର ଡ୍ରାଇଭର ଫେରାର ଥିବା ବେଳେ ଘଟଣାସ୍ଥଳରେ ପୋଲିସ ତଦନ୍ତ କରୁଛି ।
ଗତକାଲି ବିଳମ୍ବିତ ରାତିରେ ଖୋର୍ଦ୍ଧା ଜ଼ିଲ୍ଲା ବୋଲଗଡ଼ ଥାନା ସାଗୁରୁ ଗାଁର ସୂର୍ୟ୍ୟକାନ୍ତ ପ୍ରଧାନ ଓ ଅନ୍ୟ ଦୁଇ ଯୁବକ କାର ଯୋଗେ ନୟାଗଡରୁ ଶାଗୁରୁ ଗାଁକୁ ଯାଉଥିଲେ। ଇଟାମାଟି ନିକଟରେ ଏକ ଟ୍ରକକୁ ଓଭର ଟେକ୍ କରୁଥିବା ବେଳେ ଜଣେ ପଥଚାରୀଙ୍କୁ ଧକ୍କା ଦେଇଥିଲେ । କାର ପଛରେ ବସିଥିବା ସୂର୍ୟ୍ୟକାନ୍ତଙ୍କ ଛାତିରେ ଆଘାତ ଲାଗିଥିଲା । ଇଟାମାଟି ପୋଲିସ ଖବର ପାଇ ପଥଚାରୀ ଓ ସୂର୍ୟ୍ୟକାନ୍ତକୁ ନୟାଗଡ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । ଡାକ୍ତର ସେମାନଙ୍କୁ ମୃତ ଘୋଷଣା କରିଥିଲେ। ଇଟାମାଟି ପୋଲିସ କାରକୁ ଜବତ କରି ତଦନ୍ତ ଚଳାଇଛି। କାରରେ ଅନ୍ୟ ୨ ଯୁବକ ଫେରାର ଥିବା ଇଟାମାଟି ଆଇଆଇସି କହିଛନ୍ତି ।
