ଭୁବନେଶ୍ୱର : ଆଜି ଭୁବନେଶ୍ୱର ଆସୁଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ନିର୍ବାଚନୀ ପ୍ରଚାର ପାଇଁ ମୋଦୀଙ୍କର ଏହା ଦ୍ୱିତୀୟ ଓଡ଼ିଶା ଗସ୍ତ । ରାତି ୮ଟାରେ ଭୁବନେଶ୍ୱରରେ ପହଁଚିବା ପରେ କରିବେ ରୋଡ୍ ସୋ । ଏହା ପରେ ରାଜ୍ୟ ବିଜେପି ନେତାମାନେ ଭବ୍ୟ ସ୍ୱାଗତ ସମ୍ବର୍ଦ୍ଧନାରେ ପ୍ରଧାନମନ୍ତ୍ରୀଙ୍କୁ ପାଛୋଟି ନେବେ ।ରାଜା ବିଜେପି କାର୍ଯ୍ୟାଳୟରୁ ବାଣୀବିହାର ଯାଏଁ ରୋଡ ସୋ । ରାତି ସାଢେ ୯ଟା ଯାଏଁ ଚାଲିବ ମୋଦିଙ୍କ ରୋଡ ସୋ । ମାଷ୍ଟରକ୍ୟାଣ୍ଟିନ ଠାରୁ ବାଣୀ ବିହାର ଯାଏଁ ରାସ୍ତା ସିଲ ରହିବ । ଆଜି ଅପରାହ୍ମ ୨ଟାରୁ ରୋଡ ସୋ ସରିବା ଯାଏଁ ଗାଡି ଚଳାଚଳ ମନା । ରାଜଭବନରେ ରାତ୍ରୀ ଯାପନ ପରେ କାଲି ୩ ଜିଲ୍ଲା ଯିବେ । କାଲି କନ୍ଧମାଳ, ବଲାଙ୍ଗୀର ଓ ବରଗଡ ସମାବେଶରେ ଯୋଗ ଦେବେ ।
