ଦୀର୍ଘ ୧୮ ବର୍ଷର ବିବାହରେ ପୂର୍ଣ୍ଣଛେଦ ପକାଇ ହୋଇଯାଇଥିବା ଚର୍ଚ୍ଚିତ ଯୋଡି ଧନୁଷ-ଐଶ୍ବର୍ଯ୍ୟା । ଗତ କିଛି ଦିନ ପୂର୍ବେ ସାଉଥର ଷ୍ଟାଇଲିସ୍ ହିରୋ ଧନୁଷ ଓ ସୁପରଷ୍ଟାର ରଜନୀକାନ୍ତଙ୍କ ଝିଅ ଐଶ୍ୱର୍ଯ୍ୟା ଦୁହେଁ ସୋସିଆଲ ମିଡିଆ ମାଧ୍ୟମରେ ଘୋଷଣା କରି କହିଥିଲେ । ହେଲେ ଏହାକୁ ପରିବାର ଲୋକେ କିମ୍ବା ଫ୍ୟାନ୍ସମାନେ ସହଜେ ହଜମ କରିପାରୁ ନାହାନ୍ତି। ହେଲେ ଏହା ପୂର୍ବରୁ ଧନୁଷଙ୍କ ବାପା ଦୁହିଁଙ୍କ ଛାଡପତ୍ରକୁ ନେଇ କହିଥିଲେ କି ଏହା ଛାଡପତ୍ର ନୁହେଁ ବରଂ ପାରିବାରିକ ତଥା ଦାମ୍ପତ୍ୟ ଝଗଡ଼ା । ଦୁହିଙ୍କ ମଧ୍ୟରେ ବୁଝାମଣା ଚାଲିଥିବା କହିଛନ୍ତି କସ୍ତୁରୀ ରାଜା । କିନ୍ତୁ ବର୍ତ୍ତମାନ ଧନୁଷ ଝିଅ-ଜ୍ୱାଇଁଙ୍କ ମନୋମାଳିନ୍ୟକୁ ଦୂର କରିବା ନେଇ ସେମାନଙ୍କୁ ପୁଣି ଥରେ ଏକାଠି କରିବାକୁ ଲାଗି ପଡିଛନ୍ତି ସାଉଥ ସୁରପଷ୍ଟାର ରଜନୀକାନ୍ତ।
ଏହି ବିଚ୍ଛେଦ ସାମୟିକ ବୋଲି କହିବା ସହ ଝିଅ ଘର ପୁଣି ଥରେ ସଜାଡିବାକୁ ଚେଷ୍ଟା ଆରମ୍ଭ କରି ଦେଇଛନ୍ତି ରଜନୀକାନ୍ତ । ହେଲେ ଉଭୟଙ୍କ ମଧ୍ୟରେ ବୁଝାମଣା ହୋଇ ପାରିବ କି ନାହିଁ, ପୁଣି ଥରେ ଦୁହେଁ ଏକାଠି ହେବେ ନା ନାହିଁ ତାହା କେତେ ଦୂର ସତ ହେଉଛି ସମସ୍ତେ ତାହାକୁ ଦେଖିବାକୁ ବାକି ରହିଲା। ଅପରପକ୍ଷେ, ଉଭୟଙ୍କ ସମ୍ପର୍କରେ ଫାଟ ହୋଇଥିଲେ ବି ବିଚ୍ଛେଦ ନେଇ ସେମାନେ କୋର୍ଟରେ ପିଟିସନ ଦାଖଲ କରି ନ ଥିବା କହିଛନ୍ତି ଧନୁଷଙ୍କ ପିତା ତଥା ନିର୍ଦ୍ଦେଶକ କସ୍ତୁରୀ ରାଜା।
