ନୁଆଦିଲ୍ଲୀ: ପଞ୍ଜାବ ନିର୍ବାଚନରେ ମୁଖ୍ୟମନ୍ତ୍ରୀ ପ୍ରାର୍ଥୀ ଚୟନ ପାଇଁ ଏକ ନୂଆ ପନ୍ଥା ଆପଣାଇଛି ଆମ୍ ଆଦମି ପାର୍ଟି (ଆପ୍) । ଆପ୍ ଅକ୍ଷରୁ ପଞ୍ଜାବର ମୁଖ୍ୟମନ୍ତ୍ରୀ ପ୍ରାର୍ଥୀ କିଏ ହେବ ବୋଲି ମତାମତ ଲୋଡ଼ିଛି ଆପ୍ । ତେବେ ପଞ୍ଜାଗର ମୁଖ୍ୟମନ୍ତ୍ରୀ ପ୍ରାର୍ଥୀଙ୍କୁ ରାଜ୍ୟର ଜନସାଧାରଣ ଚୟନ କରିବେ ବୋଲି କହିଛନ୍ତି ଆପ୍ ମୁଖ୍ୟ ତଥା ଦିଲ୍ଲୀ ମୁଖ୍ୟମନ୍ତୀ ଅରବିନ୍ଦ କେଜ୍ରିୱାଲ । ଏ ନେଇ ଏକ ଫୋନ୍ ନମ୍ବର ଜାରିକରିଛି ଆପ୍ । ଫୋନ ନମ୍ବରଟି ହେଉଛି ୭୦୭୪୮୭୦୭୪୮ । ପଞ୍ଜାବର ଜନସାଧାରଣ ଏହି ନମ୍ବରରେ ଯୋଗାଯୋଗ କରି ନିଜନ ମତାମତ ଦେଇପାରିବେ ବୋଲି କହିଛନ୍ତି କେଜ୍ରିୱାଲ ।
ସୂଚନାନୁଯାୟୀ, ପଞ୍ଜାବର ଜନସାଧାରଣ ଉକ୍ତ ଫୋନ୍ ନମ୍ବରରେ ସେମାନଙ୍କ ପସନ୍ଦର ପ୍ରାର୍ଥୀ ନେଇ ମତ ଦେଇପାରିବେ। ଏହି ନମ୍ବରରେ ମେସେଜ, ହ୍ୱାଟସ୍ଆପ ଏବଂ କଲ କରି ମନ ପସନ୍ଦର ପ୍ରାର୍ଥୀ ସମ୍ପର୍କରେ କହିପାରିବେ। ପଞ୍ଜାବର ୩ କୋଟି ଲୋକ ସେମାନଙ୍କର ନେତା ସମ୍ପର୍କରେ ବାଛି ପାରିବେ ବୋଲି କେଜ୍ରିୱାଲ କହିଛନ୍ତି । ତେବେ ଜାନୁଆରୀ ୧୭ ସୁଦ୍ଧା ଲୋକେ ସେମାନଙ୍କର ମତାମତ ଜଣାଇପାରିବେ। ପଞ୍ଜାବରେ ଆପ ପକ୍ଷରୁ ଭଗୱନ୍ତ ମନନ ମୁଖ୍ୟମନ୍ତ୍ରୀ ପ୍ରାର୍ଥୀ ହେବା ନେଇ ଚର୍ଚ୍ଚା ହେଉଥିଲା। କିନ୍ତୁ ଏହି ଚର୍ଚ୍ଚାର ଅବସାନ ଘଟାଇଛନ୍ତି କେଜ୍ରିୱାଲ । ସେ କହିଛନ୍ତି ଯେ, ଭଗୱନ୍ତ ହେଉଛି ମୋର ଅତି ଘନିଷ୍ଟ। କିନ୍ତୁ ମୁଖ୍ୟମନ୍ତ୍ରୀ ପ୍ରାର୍ଥୀ ବାଛିବାର ଏହି ଉପାୟ ତାଙ୍କ ଆଇଡିଆ ବୋଲି କହିଛନ୍ତି ।
