ବାଲେଶ୍ୱର,୨ା୮:ରାସ୍ତାକୁ ଓହ୍ଲାଇଲା ସୁବର୍ଣ୍ଣରେଖା ବନ୍ଦର କ୍ରିୟାନୁଷ୍ଠାନ କମିଟି । ବାଲେଶ୍ୱର ଜିଲ୍ଲା ବାଲିଆପାଳ ଚୌମୁଖ ଠାରେ ପ୍ରତିଷ୍ଠା ହେବାକୁ ଥିବା ସୁବର୍ଣ୍ଣରେଖା ବନ୍ଦର ନିର୍ମାଣ କାର୍ଯ୍ୟ ତ୍ୱରାନିତ କରିବା ପାଇଁ କମିଟିର ବିକ୍ଷୋଭ ପ୍ରଦର୍ଶନ ।
ବନ୍ଦର କାର୍ଯ୍ୟରେ ବିଳମ୍ବ ନେଇ ଅସନ୍ତୋଷ ପ୍ରକାଶ କରିଛି କ୍ରିୟାନୁଷ୍ଠାନ କମିଟି । ଏନେଇ ବାଲିଆପାଳ ତହସିଲଦାରଙ୍କ ଜରିଆରେ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଏକ ଦାବି ପତ୍ର ପ୍ରଦାନ କରିଛି କ୍ରିୟାନୁଷ୍ଠାନ କମିଟି ।
କମିଟିର ସଭାପତି ବିଧାନ ଜେନାଙ୍କ ନେତୃତ୍ୱରେ ଶତାଧିକ ଯୁବକ ବ୍ଲକ ଛକ ଠାରୁ ଏକ ଶୋଭାଯାତ୍ରାରେ ବ୍ଲକ୍ ଛକ ଠାରୁ ଯାଇ ତହସିଲ କାର୍ଯ୍ୟାଳୟ ଠାରେ ପହଞ୍ôଚ ଏହି ଦାବି ପତ୍ର ପ୍ରଦାନ କରିଥିଲେ । ୨୦୦୮ ମସିହାରେ ମୁଖ୍ୟମନ୍ତ୍ରୀ ଏହି ବନ୍ଦର ପାଇଁ ଶିଳାନ୍ୟାସ କରିଥିଲେ ସୁଦ୍ଧା ଆଜି ପର୍ଯ୍ୟନ୍ତ ବନ୍ଦର କାର୍ଯ୍ୟ ତ୍ୱରାନିତ ହୋଇ ପାରି ନାହିଁ ।
ସେପଟେ ଏହି ବନ୍ଦର ନିର୍ମାଣ ହେଲେ ସ୍ଥାନୀୟ ଅଞ୍ଚଳର ଅର୍ଥନୈତିକ ବିକାଶ ହେବା ସହ ବେକାର ଯୁବକ ଯୁବତୀ ମାନେ ନିଯୁକ୍ତି ପାଇ ପାରିବେ ବୋଲି କହିଛି କମିଟି । ଖୁବ୍ ଶିଘ୍ର ଏହାର ନିର୍ମାଣ କାର୍ଯ୍ୟକୁ ତ୍ୱରାନିତ କରିବାକୁ ଦାବି କରିଛି କମିଟି ।
ରିପୋର୍ଟ ଅଜିତ କୁମାର ସାହୁ ।
