ନୂଆଦିଲ୍ଲୀ : ଆରବ ସାଗରରେ ବାତ୍ୟା ଶକ୍ତି । ଉତ୍ତରପଶ୍ଚିମ ଏବଂ ସଂଲଗ୍ନ ଉତ୍ତରପୂର୍ବ ଆରବସାଗରରେ ସିଭିୟର ସାଇକ୍ଲୋନରେ ପରିଣତ ହୋଇଛି । ଏହା ପଶ୍ଚିମ ଦିଗରେ ଆଗକୁ ଗତି କରୁଛି । ଆଜି ସନ୍ଧ୍ୟାରେ ଉତ୍ତର-ପଶ୍ଚିମ ଏବଂ ପଶ୍ଚିମ ମଧ୍ୟ ଆରବ ସାଗରରେ ପହଞ୍ଚିବ । ଆସନ୍ତାକାଲି ସକାଳେ ଏହା ଗୁଜରାଟ ମୁହାଁ ହେବା ସମ୍ଭାବନା ରହିଛି। ଏହାପରେ ଧୀରେ ଧୀରେ ଏହା ଦୁର୍ବଳ ହେବ । ଆରବ ସାଗରରେ ଏହା ବର୍ଷର ପ୍ରଥମ ବାତ୍ୟା । ବର୍ତ୍ତମାନ ଏହା ଗୁଜରାଟର ଦ୍ବାରକା ଠାରୁ ପଶ୍ଚିମରେ ପ୍ରାୟ ୩ଶହ କିମି ଦୂରରେ ରହିଛି ।ମୁମ୍ବାଇ ଓ କୋଙ୍କଣର ବିଭିନ୍ନ ଜିଲ୍ଲାରେ ପ୍ରବଳରୁ ଅତିପ୍ରବଳ ବର୍ଷା ପାଇଁ ଅରେଞ୍ଜ ୱାର୍ଣ୍ଣିଂ ଜାରି ହୋଇଛି । ମୁମ୍ବାଇ ସହ ମରାଠୱାଡ଼ା ଓ ଉତ୍ତର କୋଙ୍କଣରେ ୮ ତାରିଖ ପର୍ୟ୍ୟନ୍ତ ଭୀଷଣ ବର୍ଷା ପାଇଁ ହାଇ ଆଲର୍ଟ ଜାରି କରାଯାଇଛି । ତଳିଆ ଅଞ୍ଚଳରେ ଥିବା ଲୋକମାନଙ୍କୁ ସୁରକ୍ଷିତ ସ୍ଥାନକୁ ଚାଲିଯିବାକୁ ପରାମର୍ଶ ଦେଇଛି ପାଣିପାଗ ବିଭାଗ ।
